Samfélagsmiðlar

20 stærstu flugvellirnir í Evrópu

terminal2 heathrow

Engin evrópsk flughöfn kemst með tærnar þar sem Heathrow hefur hælanna, alla vega ekki þegar kemur að fjölda farþega. Engin evrópsk flughöfn kemst með tærnar þar sem Heathrow hefur hælanna, alla vega ekki þegar kemur að fjölda farþega. Tveir breskir flugvellir eru dottnir út af listi þeirra tuttugu stærstu og í staðinn hafa Tyrkir styrkt stöðu sína.
Í fyrra fóru ríflega 73 milljónir farþega um Heathrow flugvöllinn í London og er hann sá stærsti í Evrópu enn eitt árið. Ekki er útlit fyrir að nokkur flughöfn velti Heathrow úr sessi því farþegar þar voru um tíu milljónum fleiri en í Charles de Gaulle í París sem er næst stærsta flughöfn álfunnar. Í þriðja sæti er flugvöllurinn í Frankfurt í Þýskalandi en Icelandair flýgur að lágmarki daglega til þessara þriggja stærstu flugvalla Evrópu.

Tyrkir sækja í sig veðrið

Árið 2008 var aðal flugvöllurinn í höfuðborg Tyrklands sá eini þar í landi sem komst á lista yfir tuttugu fjölförnustu flugstöðvar Evrópu. Flugvöllurinn í Istanbúl var þá í tíunda sæti en endaði í því fjórða í fyrra. Tveir aðrir tyrkneskir flugvellir eru einnig komnir á topp tuttugu lista Airport Council International yfir stærstu flugvelli Evrópu. Á sama tíma og umferðin um tyrkneska flugvelli hefur aukist umtalsvert þá hafa vellirnir í Dublin, Manchester og við Stansted í London misst flugið. Alla vega hafa þeir ekki haldið í þá stærstu og hafa því allir þrír dottið út af lista þeirra stærstu síðustu ár.
Flugvellirnir í Kaupmannahöfn og Ósló eru einu fulltrúar Norðurlanda á lista ACI og voru farþegar þar um 25 milljónir í fyrra. Til samanburðar fóru tæplega 3,9 milljónir farþega um Flugstöð Leifs Eiríkssonar á síðasta ári.

Stærstu flughafnir Evrópu í farþegum talið:

 
 FlugvöllurLandFarþegafjöldi 2014
1.Heathrow í LondonBretland73,4 milljónir
2.Charles De Gaulle í ParísFrakkland63,6 milljónir
3.Frankfurt Þýskaland59,6 milljónir
4.Ataturk í IstanbúlTyrkland56,8 milljónir
5.Schiphol í AmsterdamHolland55 milljónir
6.Barajas í MadrídSpánn41,8 milljónir
7.MunchenÞýskaland39,7 milljónir
8.Fiumicino í RómÍtalía38,5 milljónir
9.Gatwick í LondonBretland38,1 milljónir
10.El Prat í BarcelonaSpánn37,5 milljónir
11.Domodedovo í MoskvuRússland33 milljónir
12.Sheremetyevo í MoskvuRússland31,6 milljónir
13.Orly í ParísFrakkland28,9 milljónir
14.AntalyaTyrkland28,4 milljónir
15.KaupmannahöfnDanmörk25,6 milljónir
16.Zurich Sviss25,4 milljónir
17.ÓslóNoregur24,1 milljónir
18.Sabiha Gökçen í IstanbúlTyrkland23,6 milljónir
19.Palma de MallorcaSpánn23,1 milljónir
20.VínarborgAusturríki22,5 milljónir
Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …