Samfélagsmiðlar

Áfram langdýrast að leigja bíla á Íslandi

bilaleigur konnun30mar turisti

Verðskrár bílaleiganna við Keflavíkurflugvöll í sumar eru miklu hærri en gerist og gengur við aðrar evrópskar flughafnir. Verðskrár bílaleiganna við Keflavíkurflugvöll í sumar eru miklu hærri en gerist og gengur við aðrar evrópskar flughafnir. Á Spáni hefur verðið lækkað töluvert síðustu mánuði.
Ferðamaður sem bókar núna bílaleigubíl af minnstu gerð fyrir sumarið greiðir að lágmarki 9.134 krónur á dag fyrir bílinn á leigunum við Keflavíkurflugvöll. Sá sem er á leið til Kaupmannahafnar borgar hins vegar aðeins rétt um tvö þúsund krónur á dag. Munurinn á sumartöxtunum við þessa tvo flugvelli er ríflega fjórfaldur líkt og hann var 1. febrúar sl. þegar Túristi gerði síðast samanburð á leiguverði við tuttugu evrópskar flughafnir. Í súluritinum hér að ofan má sjá hvernig leiguverð sumarsins hefur þróast síðustu 2 mánuði. 

Ódýrara á Spáni

Það er töluvert framboð á flugi héðan til Alicante og Barcelona frá vori og fram á haust og því vafalítið margir Íslendingar á leiðinni þangað. Þeir sem vilja hafa ökutæki til umráða í Spánarreisunni í sumar og hafa ekki ennþá pantað bíl borga í dag 12 til 16 prósent minna en þeir sem bókuðu fyrir tveimur mánuðum síðan. Verðið hefur einnig lækkað töluvert við Genfarflugvöll. Meðaldagverðið hér á landi hefur hins vegar hækkað um fjóra af hundraði. 

Finnur lægra verð

Í verðkönnuninni voru fundnir ódýrustu bílaleigubílarnir við hverja flugstöð seinnihlutann í júní, júlí og ágúst og svo reiknað út meðalverð á dag miðað við tveggja vikna leigutíma. Í öllum tilvikum er ótakmarkaður akstur og kaskótrygging innifalin í verðinu.
Notast var við leitarvél Rentalcars.com sem er ein umsvifamesta bókunarsíða heims á þessu sviði og býður því oft lægra verð en almennt gerist. Sem dæmi finnur Rentalcars bílaleigubíl á Keflavíkurflugvelli, seinni hlutann í júlí, á rúmlega 131 þúsund krónur. Ódýrasti bíllinn hjá Hertz þessa sömu daga er á um 203 þúsund krónur og 214 þúsund hjá Avis. Ódýrasti bíllinn sem Dohop finnur er á ríflega 136 þúsund. Þess ber að geta að Rentalcars.com er samstarfsaðili Túrista og heldur úti bílaleiguleitarvél síðunnar.
TENGDAR GREINAR: Flestar kvartanir vegna íslenskra bílaleiga

Nýtt efni

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …

Útlit er fyrir að það hægist aðeins um í ferðaþjónustunni á þessu ári miðað við hraðan vöxtinn á síðasta ári. Ísland endurheimti ferðafólkið hraðar eftir heimsfaraldurinn en flest önnur lönd en nú er hægari gangur í bókunum. Þar hafa eldsumbrotin á Reykjanesskaga sín áhrif en hátt verðlag hér á landi fælir líka einhverja frá. Á …