Samfélagsmiðlar

Áhrifa verkfallsins farið að gæta hér á landi

norwegian velar860

Um hádegi í dag hefði vél norska flugfélagsins Norwegian átt að lenda hér á landi. Ekkert verður hins vegar úr því. Um hádegi í dag hefði vél norska flugfélagsins Norwegian átt að lenda hér á landi. Ekkert verður hins vegar úr því og er þetta fyrsta ferð félagsins til Íslands sem felld er niður vegna verkfalls flugmanna Norwegian.
Allan marsmánuð hefur stór hluti flugmanna lággjaldaflugfélagsins Norwegian verið í verkfalli og nær allt flug félagsins innan Skandinavíu hefur legið niðri. Félagið flýgur hingað til lands þrisvar í viku frá Ósló og hingað hefur verkfallið ekki haft áhrif á Íslandsflugið. Á því verður hins vegar breyting í dag því í morgun var ferð félagsins hingað í til lands felld niður. Áður hafði verið gefið út að brottförin til Íslands yrði á réttum tíma.

Snúin staða farþega

Samkvæmt forsvarsmönnum Norwegian hefur verkfallið riðlað ferðaplönum 150 þúsund farþega. Flugfélaginu ber þá skylda til að koma fólki á áfangastað með öðrum leiðum eða endurgreiða miðana. Þeir sem eiga pantað flug með Norwegian til og frá Íslandi í dag fá þá vonandi far með SAS eða Icelandair sem bæði fljúga daglega héðan til Óslóar.
Í lok mars hefst áætlunarflug Norwegian milli Bergen og Keflavíkur.

Sameingin við Ryanair

Langar samningaviðræður forsvarsmanna Norwegian og flugmanna hafa ekki skilað árangri og hafa viðsemjendur ekki sparað gífuryrðin fjölmiðlum. Miklar vangaveltur hafa einnig verið um hvort Norwegian lifi þessa kjarabaráttu af og í gær flutti sænska blaðið Dagens Industri fréttir af því að eigendur Norwegian gætu neyðst til að gefast upp og jafnvel sameinast írska lággjaldaflugfélaginu Ryanair. Það eru þó talið mjög ólíklegt að sú staða komi upp samkvæmt sérfræðingum í norræna fluggeiranum.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …