Samfélagsmiðlar

Nektarmyndatökur ferðalanga valda vandræðum

angor

Undanfarið hafa borist fréttir af túristum hér á landi sem fylgja ekki umgengnisreglum við þekkta ferðamannastaði. Í Kambódíu eru klæðalausir ferðamenn einnig áhyggjuefni yfirvalda. Undanfarið hafa borist fréttir af túristum hér á landi sem fylgja ekki umgengnisreglum við þekkta ferðamannastaði. Í Kambódíu eru klæðalausir ferðamenn áhyggjuefni yfirvalda.
Síðustu vikur höfum við heyrt af erlendum ferðamönnum sem hafa farið sér á voða í Reynisfjöru og við Jökulsárlón. Eins vill það víst brenna við að fólk hunsi fyrirmæli á Geysissvæðinu. Við Angor hofin í Kambódíu eiga landverðir einnig í vanda með ferðamenn og í ár hefur þurft að handtaka fimm ferðamenn á svæðinu fyrir að láta taka af sér nektarmyndir við hofin. 

Bandarískar systur í fjögurra ára bann

Á síðasta ári heimsóttu um tvær milljónir ferðamanna Angor hofin við Siam Reap og eru þau langvinsælasti ferðamannastaðurinn í Kambódíu. Hofin eru á heimsminjaskrá UNESCO og hafa mikla þýðingu fyrir heimamenn sem sárnar þessi vanvirðing sem sumir ferðalangar sýna þessum heilaga stað samkvæmt frétt Guardian. Nýverið voru tvær tvítugar bandarískar systur til að mynda staðnar af því að mynda á sér beran bakhlutann inn í Preah Khan hofinu sem tilheyrir Angor svæðinu. Voru þær sektaðar um 250 dollara (um 33 þúsund krónur) á mann og verðum þeim ekki hleypt inn í Kambódíu næstu fjögur ár. Þrír ungir Frakkar voru einnig gripnir við nektarmyndatökur við hofin í ár var þeim einnig vísað úr landi.

Biðja heimamenn um að smella af

Angor eru ekki eini staðurinn á heimsminjaskrá sem dregur að sér ferðamenn með strýpihneigð. Á síðasta ári þurfti að fjölga eftirlitsfólki við Machu Picchu í Perú vegna ferðamanna sem hlupu þar um allsberir eða tóku myndir af sér nöktum. Einn þeirra var Amichay Rab, 32 ára Ísraeli, sem lét mynda sig á Adamsklæðunum víðsvegar um Mið- og Suður-Ameríku í fyrra. Í frétt Guardian er haft eftir Rab að hann hafi í flestum tilfellum látið taka af sér myndir árla dags þegar fáir voru á ferli og oft hafi hann fengið aðstoð heimamanna við myndatökurnar. 
TENGDAR GREINAR: Fyrsta gönguleiðin fyrir allsberaGefa leyfi fyrir sex nektarnýlendum í borginni

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …