Samfélagsmiðlar

Svona mikið bætist við fargjöldin

aukagjold skjamyndir

Þú kemst ekki alltaf til útlanda fyrir það farmiðaverð sem birtist í auglýsingum og á heimasíðum flugfélaganna. Það er ekki óalgengt að það bætist mörg þúsund krónur við fargjaldið ef þú vilt taka með þér tösku eða velja sæti og sumir rukka aukalega fyrir kreditkortagreiðslur og jafnvel fyrir að taka við bókuninni.
Þú kemst ekki alltaf til útlanda fyrir það farmiðaverð sem birtist í auglýsingum og á heimasíðum flugfélaganna. Stundum komast farþegar nefnilega ekki hjá því að greiða aukalega  bókunar- og kreditkortagjöld þegar flugmiði er pantaður.

Töskugjöld algeng

Þeir sem vilja innrita farangur þurfa að borga sérstaklega fyrir þá þjónustu hjá sjö af þeim sextán flugfélögum sem bjóða upp á reglulegar áætlunarferðir frá Keflavíkurflugvelli næstu mánuði. Töskugjaldið er á bilinu 1.730 til 4.990 krónur fyrir hvern fluglegg og er það hæst hjá WOW air eins og sjá má á töflunni hér fyrir neðan. Þannig þarf sá sem tekur með sér 20 kílóa tösku í flug með WOW air til Barcelona að borga 9.998 krónur undir töskuna báðar leiðir. Íslenska lággjaldaflugfélagið og hið ungverska Wizz Air eru einu flugfélögin á Keflavíkurflugvelli sem rukka fyrir handfarangur. Hjá WOW air þarf að borga undir handfarangur sem er þyngri en 5 kíló en hjá Wizz air eru mörkin sett við stærð töskunnar. Venjuleg handfarangurstaska er til að mynda of stór.

Sætin kosta sitt

Þeir sem vil tryggja sér sæti við hlið ferðafélaga sinna eða vera öryggir um gluggasæti þurfa að borga á bilinu 220 til 3.850 krónur fyrir það hjá þeim flugfélögum sem rukka fyrir sætisval. Hæst er gjaldið hjá Airberlin en flest flugfélög rukka mismunandi verð eftir því hvar í farþegarýminu sætin eru.
Hér fyrir neðan má sjá hver aukagjöld flugfélaganna á Keflavíkurflugvelli eru ef þjónustan er bókuð með flugmiðanum. Þeir sem ætla að bæta við tösku eða taka frá sæti þegar komið er út á flugvöll borga oftast helmingi eða tvöfalt hærra verð. Þess ber að geta að flest flugfélög eru með sérstök bókunargjöld en í nær öllum tilvikum eru þau innifalin í auglýstu farmiðaverði.

Aukagjöld flugfélaganna á Keflavíkurflugvelli*

FlugfélagInnrituð taskaSætisvalKreditkortaþóknunBókunargjaldHandfarangur
Airberlin 0 kr. 1.750-3.850 kr. 0 kr. 1.460 per farþega 0 kr.
Air Greenland 0 kr. 0 kr. 1,25% 0 kr. 0 kr.
Austrian 0 kr. 0 kr. 0 kr. 0 kr. 0 kr.
Delta 0 kr. 0 kr. 0 kr. 0 kr. 0 kr.
easyJet  2.050-3.900 kr. 220-2770 kr. 2% 0 kr. 0 kr.
German Wings 2.190 kr. 1.170-2.900 kr. 2% 0 kr. 0 kr.
Icelandair 0 kr. 0 kr. 0 kr. 0 kr. 0 kr.
Lufthansa 0 kr. 0 kr. 0 kr. 0 kr. 0 kr.
Niki 0 kr.  1.750 kr. – 3.850 kr. 0 kr.  0 kr. 0 kr.
Norwegian 1.730-2.940 kr.  1.730 kr. 1,99% 0 kr. 0 kr.
Primera Air 0 kr. 1.000-2.500 kr.  0 kr. 0 kr. 0 kr.
SAS 0 kr. 0 kr. 0 kr. 0 kr. 0 kr.
Transavia 2.190-2.920 kr. 580-2.1920 0 kr.  0 kr. 0 kr.
Vueling 2.920 kr. 730-2.480 kr. 1.180 kr. 0 kr. 0 kr.
Wizz 4.380 kr. 730-2.050 kr. 0 kr. 0 kr. 2.050 kr.
WOW air 3.999-4.999 kr. 399-3.499 kr. 0 kr. 999 kr. per bókun 1.999-2.999 kr.

* Gjöld erlendu flugfélaganna eru umreiknuð miðað við gengi dagsins og námunduð að heilum tug.
HÓTEL: SMELLTU HÉR TIL AÐ GERA VERÐSAMANBURÐ Á GISTINGU

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …