Samfélagsmiðlar

Enn beðið úrskurðar Samkeppniseftirlitsins í máli WOW air

flugtak 860

Áfram er deilan um úthlutun komu- og brottfarartíma við Flugstöð Leifs Eiríkssonar til skoðunar í kerfinu. 
Í febrúar árið 2013 sendu forsvarsmenn WOW air kvörtun til Samkeppniseftirlitsins vegna úthlutunar á afgreiðslutímum á Keflavíkurflugvelli. Eftirlitið tók undir rök WOW air og úrskurðaði í lok október 2013 að flugfélagið ætti rétt á tveimur af afgreiðslutímum Icelandair á Keflavíkurflugvelli að morgni og seinnipartinn. Áfrýjunarnefnd samkeppnismála snéri úrskurðinum við og héraðsdómtur og Hæstiréttur vísuðu málinu frá. Í millitíðinni fór það einnig fyrir EFTA dómstólinn.

Enn í vinnslu

Á sama tíma og málið hefur velkst um í dómskerfinu hefur Samkeppniseftirlitið haft til skoðunar samskonar erindi frá WOW air sem snýr að úthlutun fyrir sumarvertíðina í ár. Sumardagskrá flugfélaganna hófst formlega um síðustu mánaðarmót en áfram verður að bíða eftir nýjum úrskurði því samkvæmt upplýsingum frá Samkeppniseftirlitinu er málið enn í vinnslu og ekki er ljóst hvenær niðurstaða mun liggja fyrir.

Hitamál

Þegar Samkeppniseftirlitið komst að þeirri niðurstöðu að taka ætti afgreiðslutíma af Icelandair og afhenda WOW air vakti það athygli í fluggeiranum út í heimi. Talsmaður IATA, alþjóðlegra samtaka flugfélaga, sagði í svari til Túrista um málið að reglurnar sem gilda um úthlutun afgreiðslutíma væru skýrar og sanngjarnar og að flugfélög ættu hefðarrétt á afgreiðslutímum svo lengi sem nýtingin á þeim færi ekki undir 80 prósent. Sagði jafnframt í svari IATA að hefðarrétturinn væri undirstaðan í því úthlutunarkerfi sem notað er víða um heim og þar sé einnig tekið fram að ekki megi svipta flugfélag afgreiðslutíma til að hleypa nýjum aðila að. Frank Holton, sá sem sér um úthlutunina á íslenskum flugvöllum, sagði í viðtali við Túrista eftir að málinu hafði verði vísað frá dómi að niðurstaðan tryggði öryggi í fluggeiranum og væri sigur fyrir neytendur.

Ekki tímar fyrir fleiri

Líkt og kom fram í frétt Túrista í mars þá er ekki pláss fyrir fleiri flugvélar við Flugstöð Leifs Eiríkssonar á háannatímum á morgnanna og seinnipartinn. Ef staðan væri önnur þá hefði deilan um úthlutunina ólíklega komið upp. Það er hins vegar algilt að flugvellir séu þéttsetnir og til að mynda hefur ekki verið hægt að úthluta nýjum tímum við Heathrow flugvöll um langt árabil.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …