Samfélagsmiðlar

Jafn margir ferðamenn frá áramótum og allt sumarið 2007

reykjavik vetur

Á fyrsta ársfjórðungi komu rúmlega 217 þúsund erlendir ferðamenn til landsins og Íslendingar ferðuðust miklu meira til útlanda en í fyrra. Á fyrsta ársfjórðungi komu rúmlega 217 þúsund erlendir ferðamenn til landsins og Íslendingar ferðuðust miklu meira til útlanda en í fyrra.
Ferðamannastraumurinn hingað til lands jókst um 31,4 prósent fyrstu þrjá mánuði ársins samkvæmt talningu Ferðamálastofu í Flugstöð Leifs Eiríkssonar. Erlendum túristum fjölgaði því um 51.860 manns á fyrsta ársfjórðungi. Það jafngildir aukningu upp á 576 ferðamenn á dag en til gamans má geta að þoturnar sem fljúga til og frá Keflavík taka á bilinu 156 til 200 farþega. Það þarf því aukalega þrjár til fjórar ferðir á dag til að ferja þessa viðbótarferðamenn til og frá landinu. 
Fyrstu þrjá mánuði ársins innrituðu samtals 217 þúsund erlendir ferðamenn sig í flug í Leifsstöð en það er jafn stór hópur og kom hingað yfir sumarmánuðina þrjá árið 2007. Það ár komu hins vegar aðeins 60.157 erlendir túristar hingað á fyrsta ársfjórðungi sem er minna en í janúar sl. þegar ferðamennirnar voru nærri 63 þúsund.

Miklu fleiri Íslendingar til útlanda

Í mars voru nærri 33 þúsund íslenskir farþegar í vélunum sem tóku á loft frá Keflavíkur frá landinu sem er aukningu um 34 prósent frá mars í fyrra. Líklega má rekja hluta þessarar miklu aukningar til páskanna jafnvel þó páskafríið sjálft hafi ekki byrjað fyrr en 2. apríl. Alla jafna nýta margir Íslendingar páskamánuðinn til að að ferðast til útlanda og þar sem hátíðin var núna nálægt mánaðarmótum hefur það sennilega haft áhrif í mars. Það sem af er ári hafa 83.452 Íslendingar flogið frá landinu sem er aukning um 17 prósent frá sama tíma í fyrra samkvæmt tölum Ferðamálastofu.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …