Samfélagsmiðlar

Íslensk debetkort loksins gjaldgeng hjá erlendum flugfélögum

netkaup

Með tilkomu nýrra debetkorta er hægt að komast hjá því að borga kreditkortagjald flestra erlendra flugfélaga Með tilkomu nýrra debetkorta er hægt að komast hjá því að borga kreditkortagjald flestra erlendra flugfélaga.
Nokkur af þeim lággjaldaflugfélögum sem hingað fljúga bæta tveimur prósentum eða fastri upphæð við farmiðaverðið ef farþeginn borgar með kreditkorti. Sá sem kaupir farmiða fyrir hundrað þúsund krónur borgar því aukalega að minnsta kosti tvö þúsund kr. fyrir það eitt að greiða með þess háttar korti.

Ónúmeruð kort

Flugfarþegar hér á landi hafa hingað til ekki komist hjá þessu aukagjaldi því lengi vel hafa íslensk debetkort ekki verið gjaldgeng í netverslunum. Á framhlið þeirra er nefnilega engin númeraröð líkt og er á kreditkortum. Þessu er til að mynda öfugt farið hjá frændþjóðunum þar sem debetkort eru eins í útliti og kreditkort.

Ný debetkort 

Nýverið hóf Íslandsbanki útgáfu á nýrri tegund MasterCard debetkorta sem eru með númeraröð og því hægt að nota þau í erlendum netverslunum. Korthafar þeirra eiga því að komast hjá kreditkortagjaldi flestra flugfélaga til að mynda easyJet og Norwegian sem bæði fljúga hingað allt árið um kring. Þess ber þó að geta að engin ferðatrygging fylgir debetkortagreiðslum.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …