Samfélagsmiðlar

Mikil aukning í millilandaflugi í mars

flugtak 860

Að jafnaði tóku þrjátíu farþegaþotur á dag á loft frá Keflavíkurflugvelli í síðasta mánuði Að jafnaði tóku þrjátíu farþegaþotur á dag á loft frá Keflavíkurflugvelli í síðasta mánuði sem er helmingi meiri umferð en á sama tíma árið 2013.
Það voru níu flugfélög sem buðu upp á áætlunarferðir frá Keflavíkurflugvelli til útlanda í síðasta mánuði og jukust umsvif þeirra allra frá sama tíma í fyrra að undanskildu WOW air. Mest var viðbótin hjá easyJet og Icelandair og bæði félög bættu við 51 ferð og þriðja mánuðinn í röð er breska lággjaldaflugfélagið annað umsvifamesta flugfélagið á Keflavíkurflugvelli eins og sjá má á töflunni hér fyrir neðan sem byggir á talningu Túrista.

Sveiflur í hlutdeild

Þó ferðum Icelandair fjölgi þá minnkar vægi félagsins umtalsvert á milli ára. Í mars 2013 stóð félagið fyrir átta af hverjum tíu ferðum frá landinu en ári síðar var hlutfallið komið niður í 71,8 prósent. Í mars síðastliðnum voru tvær af hverjum þremur brottförum á vegum Icelandair og hlutdeild félagsins í umferðinni um Keflavíkurflugvöll í marsmánuði hefur dregist saman um 13,5 prósentustig siðustu tvö ár. Á sama tíma hefur ferðum félagsins fjölgað um fimmtung.
Eins og áður segir fækkaði ferðum WOW air lítillega frá því í fyrra og félagið er því áfram þriðja umsvifamesta flugfélagið á Keflavíkurflugvelli en mun líklega fara upp fyrir easyJet á ný í vor og sumar þar sem breska félagið dregur úr Íslandsflugi á þeim tíma og eins hefur WOW air bætt við flugi til Bandaríkjanna. 

Umsvifamestu flugfélögin á Keflavíkurflugvelli, í brottförum talið:

Mars 2015FlugfélagHlutdeild 2015Hlutdeild 2014
1.Icelandair66,4%71,8%
2.easyJet13,1%8,8%
3.WOW air10,9%13,9%
4.SAS3,4%2,9%
5.Primera Air1,8%0,5%
Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …