Samfélagsmiðlar

Mun easyJet draga úr Íslandsflugi í haust?

easyJet nytt

Það lítur út fyrir að breska flugfélagið ætla að fella niður eina af flugleiðum sínum til Íslands. Það gæti fækkað erlendum ferðamönnum um allt að þrettán hundruð á mánuði. Það lítur út fyrir að breska flugfélagið ætla að fella niður eina af flugleiðum sínum til Íslands. Það gæti fækkað erlendum ferðamönnum um allt að þrettán hundruð á mánuði.
Í lok mars árið 2012 hóf easyJet, næststærsta lággjaldaflugfélag Evrópu, að fljúga til Íslands frá Luton þrisvar í viku. Þremur árum síðar er félagið orðið næst umsvifamesta flugfélagið á Keflavíkurflugvelli og býður upp á rúmlega hundrað áætlunarferðir hingað í mánuði frá sex breskum flugvöllum og einnig Basel og Genf í Sviss. Allar átta flugleiðirnar eru starfræktar allt árið um kring.

Genf ekki til sölu

Í dag er hægt að bóka vetrarflug með easyJet til allra þessara áfangastaða nema til Genfar. Samkvæmt bókunarvél easyJet verður síðasta ferðin þangað farin 24. október en ekki hefur tekist að fá þessar breytingar staðfestar hjá upplýsingafulltrúum easyJet. 

Sjötti hver ferðamaður með easyJet

Í þeim flugvélum sem easyJet nýtir í flugi til og frá Íslandi eru sæti fyrir annars vegar 156 farþega og hins vegar 180. Í mars sl. var sætanýtingin hjá easyJet um 93 prósent en áður hefur komið fram að hlutfall íslenskra farþega hjá félaginu eru rétt um tíund. Það má því áætla að mánaðarlega komi á bilinu tólf til fimmtán þúsund útlendingar til Íslands með easyJet. Tæplega 84 þúsund erlendir ferðamenn fóru frá landinu í síðasta mánuði samkvæmt talningum Ferðamálastofu og það lætur því nærri að sjötti hver túristi hafi flogið hingað með easyJet. Vægi breska félagsins minnkar þó á sumrin því þá fækkar flugferðunum hingað til lands en á sama tíma bæta önnur flugfélag við ferðum.

Frönskum og svissneskum gestum gæti fækkað

Ef ekkert verður út áætlunarflugi easyJet til Genfar næsta vetur má áætla farþegum félagsins á Keflavíkurflugvelli fækki um allt að þrettán hundruð í hverjum mánuði. Genf liggur á landamærum Sviss og Frakklands og því líklegt að báðar þjóðir nýti sér áætlunarflug félagsins hingað til lands og ferðamönnum frá löndum tveimur myndi því fækka hér á landi í kjölfarið nema önnur flugfélög fylli skarð easyJet.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …