Samfélagsmiðlar

Flugmiðar vorsins á 10 til 40 þúsund krónur.

paris Ile de la cite

Langar þig að skreppa til Barcelona, Parísar, Edinborgar eða Genfar í apríl eða maí? Það þarf ekki að kosta mikið að fara í borgarferð með stuttum fyrirvara. Hér eru nokkur dæmi um hvernig þú getur sett saman vorreisu fyrir lítið.
Vorið er komið víða á meginlandi Evrópu en ennþá snjóar hér heima. Það eru því vafalítið margir til í að bregða sér af bæ sem fyrst en tíma kannski ekki að setja pening í utanlandsferð akkúrat núna.
Túristi hefur hins vegar farið í gegnum heimasíður flugfélaganna og eins og sjá má hér fyrir neðan þá er hægt að fljúga fyrir lítið til Barcelona, Parísar, Edinborgar, Genfar og Óslóar í apríl og maí með erlendum lággjaldaflugfélögum. Þau rukka öll aukalega fyrir innritaðan farangur. Athugið að 14. maí og 25. maí eru rauðir dagar.

Barcelona

Í byrjun maí má finna nokkrar ódýrar dagsetningar með spænska lággjaldaflugfélaginu Vueling til Barcelona. Þess ber að geta að brottförin frá Keflavíkurflugvelli er stuttu eftir miðnætti og lagt er í hann frá Spáni seint um kvöld. Þeir sem láta ekki þessa flugtíma stoppa sig geta fengið flugmiðana óvenju ódýra.

Bristol

Af fargjöldunum að dæma eru ekki margir búnir að bóka flug með easyJet hingað frá Bristol í apríl og maí. Þangað er því hægt að komast fyrir sáralítið.

Edinborg

Hið breska easyJet flýgur hingað allt árið frá Edinborg og inn á milli má finna hræbillega flugmiða.

Genf

Líkt og til Edinborgar þá kostar flugið til Genfar oft lítið. Verðlagið í borginni sjálfri er þó ekki mjög hagstætt.

London

Fimmta hver vél sem tekur á loft frá Keflavík tekur stefnuna á London. Þetta mikla framboð hefur áhrif á verðið, sérstaklega hjá easyJet nú í vor.

Ósló

Norska lággjaldaflugfélagið Norwegian flýgur hingað þrisvar í viku frá Ósló allt árið um kring. Félagið er núna með farmiða vorsins á útsölu.

París

Fransk-hollenska lággjaldaflugfélagið Transavia býður einnig upp á næturflug til Íslands yfir sumartímann. Fyrsta ferð er í lok maí og þá er verðið lægst.

En það er ekki nóg að koma sér á staðinn fyrir lítið. Hér má bera saman hóteltilboð í borgunum sjö. Túristi mælir einnig með hótelsíðu Tablet fyrir þá sem vilja heldur velja úr fáum sérvöldum gististöðum.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …