Samfélagsmiðlar

Skera niður sólarlandaflug

spann strond

Ekkert verður úr beinu flugi til Portúgal í byrjun sumars og ferðunum til Spánar hefur verið fækkað. Ekkert verður úr beinu flugi til Portúgal í byrjun sumars og ferðunum til Spánar hefur verið fækkað.
Síðustu mánuði hefur ferðaskrifstofan Vita haft á boðstólum sólarlandaferðir til Portúgal í maí og júní og til stóð að fljúga með farþegana í beinu leiguflugi héðan til Algarve. Í vikunni var sölu á þessum ferðum hins vegar hætt þar sem eftirspurn eftir þeim var ekki næg að sögn Guðrúnar Sigurgeirsdóttur, framleiðslustjóra Vita. Þeir sem áttu miða með Vita til Portúgal geta haldið óbreyttu plani en fljúga í staðinn með áætlunarflugi og þurfa þá að millilenda. Guðrún segir að margir af þeim sem áttu bókað til Portúgal hafi breytt um áfangastað og náð í síðustu sætin í ferðir Vita til Mallorca í júní. En sala á ferðum til spænsku eyjunnar hefur gengið vel að hennar sögn og sömu sögu er að segja um aðra sólarstaði.

Nærri þriðjungi færri ferðir til Alicante

Í apríl og maí stóð til að vélar WOW air færu þrettán ferðir í hvorum mánuði til spænsku borgarinnar Alicante en samkvæmt nýrri áætlun verða brottfarirnar níu í apríl og jafnmargar í maí. Að sögn Skúla Mogensen, forstjóra WOW air, er ástæðan fyrir þessari breytingu sú að vélarnar verða nýttar í flug á aðra áfangastaði. Þrátt fyrir þennan samdrátt í vorferðum til Alicante þá eykst framboð WOW air á flugi til Spánar töluvert í ár og nýlega hóf félagið til að mynda að fljúga vikulega til Tenerife.
TENGDAR GREINAR: Þangað geturðu flogið í vor, sumar og haust

Nýtt efni

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …

Útlit er fyrir að það hægist aðeins um í ferðaþjónustunni á þessu ári miðað við hraðan vöxtinn á síðasta ári. Ísland endurheimti ferðafólkið hraðar eftir heimsfaraldurinn en flest önnur lönd en nú er hægari gangur í bókunum. Þar hafa eldsumbrotin á Reykjanesskaga sín áhrif en hátt verðlag hér á landi fælir líka einhverja frá. Á …