Er Icelandair á leið til Montreal?

Eftir myndbirtingu á samfélagsmiðlunum fór af stað orðrómur um að Icelandair myndi bráðlega hefja áætlunarflug til næst fjölmennustu borgar Kanada Eftir myndbirtingu á samfélagsmiðlum fór af stað orðrómur um að Icelandair myndi bráðlega hefja áætlunarflug til næst fjölmennustu borgar Kanada. Upplýsingafulltrúi Icelandair vill ekki tjá sig um málið.
Í lok árs 2013 var hömlum á flugi milli Íslands og Kanada aflétt og síðan þá hafa umsvif Icelandair í Kanada stóraukist. Félagið flýgur nú allt árið um kring til kanadísku borganna Toronto og Edmonton og til Vancouver og Halifax frá vori og fram á haust. Þessar stórbættu samgöngur milli landanna tveggja skiluðu sér meðal annars í því að kanadískum ferðamönnum hér á landi fjölgaði um 13 þúsund í fyrra. Nam aukningin 62 prósentum frá árinu 2013.

Lætur ekkert uppi

Nú er uppi orðrómur um að Icelandair ætli að bæta við fimmta áfangastað sínum í Kanada á næstunni. Alla vega ef marka má mynd sem tekin var á flugstöðinni í Montreal í fyrradag og birtist í kjölfarið á kanadískri Facebook-síðu. Á myndinni er skilti með áletruninni, „Aéroports de Montréal tekur Icelandair opnum örmum.“ Textinn er á ensku og íslensku eins og sjá má hér fyrir ofan. Í kjölfarið á birtingu myndarinnar hafa skapast miklar umræður á milli flugáhugafólks um það hvort Icelandair ætli að hefja áætlunarflug til borgarinnar eða ekki. Guðjón Arngrímsson, upplýsingafulltrúi Icelandair, vildi hins vegar ekki tjá sig um málið þegar Túristi bar það undir hann.
Líkt og Túristi leiddi líkur að í fyrra þá verður að teljast líklegt að Icelandair bæti við áfangastöðum í Kanada á næstunni og þá helst í Quebec fylki, frönskumælandi hluta landsins, þar sem félagið er í dag ekki með starfsemi á því svæði. Þar er Montreal stærsta borgin með um tvær milljónir íbúa en í höfuðstað fylkisins, Quebec-borg, búa um sjö hundruð þúsund manns.

Þrjú skemmtiferðaskip með rúmlega sjö þúsund farþega

Meira en sjö þúsund farþegar hafa streymt til og frá Sundahöfn í Reykjavík á einum annasamasta skipakomudegi ársins. Þrjú skemmtiferðaskip liggja við bryggju. Umferðarstýring hefur verið bætt á hafnarsvæðinu og farþegum bjóðast fleiri flutningsmöguleikar. Það eru rútur af ýmsum gerðum frá mörgum ferðaþjónustufyrirtækjum sem sækja farþega skipanna í skipulagðar ferðir. Einnig eru í boði ferðir … Lesa meira

Icelandair til Færeyja og flugfélag heimamanna til Bandaríkjanna

Icelandair ætlar að hefja flug til Færeyja þann 1. maí á næsta ári og verður ferðunum haldið úti fimm til sex sinnum í viku út október. Flogið verður til Færeyja að morgni dags frá Keflavíkurflugvelli og farþegar geta því tengt ferðirnar við flug Icelandair til og frá Bandaríkjunum. Þjóðarflugfélag Færeyja, Atlantic Airways, er einmitt að … Lesa meira

Evrópusambandið kynnir fjármagnaða aðgerðaáætlun í geðheilbrigðismálum

Markmið Evrópusambandsins er að hugað verði að geðheilsu til jafns við líkamlega heilsu. Kynnt hafa verið 20 verkefni á sviði geðheilbrigðismála og því lýst hvernig eigi að fjármagna þau með 1,2 milljarða evra framlögum úr sjóðum sambandsins. Talið er miklu kostnaðarminna að grípa til aðgerða en að gera ekki neitt.

Velgegni Play snýst ekki um að Icelandair gangi illa

Farþegar sem millilenda hér á landi á leið sinni yfir Atlantshafið eru Icelandair og Play mikilvægir. Stjórnendur félaganna horfa þó í meira mæli til fólks á leið í Íslandsferð og hjá Icelandair vegur sá hópur mun þyngra í dag. Forstjóri Play segir skiptinguna í sumar verða aðra.

„Hefur skort hleðsluinnviði og fyrirsjáanleika“

„Loksins þegar allur almenningur ætti að geta eignast rafbíl þá koma nýir skattar í veg fyrir það. Þetta eru röng skilaboð," segir Jón Trausti Ólafsson, framkvæmdastjóri Öskju. Hann gagnrýnir að á Íslandi hafi skort samhæfða stefnu stjórnvalda um hvernig standa eigi að rafbílavæðingunni. Það vanti allan fyrirsjáanleika.