Samfélagsmiðlar

Fjögur erlend flugfélög hefja Íslandsflug um helgina

flugtak 860

Nú er úr helmingi fleiri flugfélögum að velja ef ferðinni er heitið til útlanda á næstunni. Nú er úr helmingi fleiri flugfélögum að velja ef ferðinni er heitið til útlanda á næstunni. Áfangastöðunum fjölgar töluvert þessa fyrstu daga mánaðarins.
Í vetur hafa að jafnaði átta flugfélög boðið upp á reglulegar ferðir til og frá Keflavíkurflugvelli en í gær og í dag bætast fjögur flugfélög við hópinn. Það eru Airberlin og Lufthansa frá Þýskalandi, hið bandaríska Delta og spænska lággjaldaflugfélagið Vueling. Hingað til hafa flugfélögin fjögur hafið sumarvertíð sína hér á landi í byrjun júní  áætlunin hefst mánuði fyrr í ár og endar síðar. Umsvif þeirra allra aukast því töluvert frá því í fyrra. 

Auka samkeppnina á mörgum flugleiðum

Þó flugfélögunum á Keflavíkurflugvelli fjölgi um helming á einni helgi þá bætast aðeins tveir áfangastaðir við leiðakerfi Keflavíkurflugvallar nú í byrjun mánaðar. Það er spænska borgin Barcelona og Dusseldorf í Þýskalandi. Vueling flýgur hingað frá Katalóníu og Airberlin frá Dusseldorf. Áætlunarflug þýska flugfélagsins til Berlínar hefst einnig um helgina en WOW air er eitt um þá flugleið yfir veturinn. Delta og Lufthansa munu veita Icelandair samkeppni um farþega á leið til og frá New York og Frankfurt en þetta verður í fyrsta skipti sem Lufthansa býður upp á áætlunarflug hingað til lands frá stærstu flughöfn Þýskalands. Á næstu vikum bætast fleiri borgir við leiðakerfi Vueling, Airberlin og Lufthansa hér á landi.

Þau íslensku bæta einnig við

Nú um mánaðarmótin hefst líka áætlunarflug Icelandair til Brussel, Billund, Gautaborgar, Zurich og Vancouver og Baltimore-Washington flugvöllur bætist við leiðakerfi WOW air. Síðar í maí fjölgar svo áfangastöðunum enn frekar og nokkur erlend félög hefja þá Íslandsflug sitt á ný eftir vetrarfrí. Hér má sjá hvert verður flogið beint í vor, sumar og haust frá Keflavíkurflugvelli.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …