Samfélagsmiðlar

Fyrsta þýska flugfélagið til að fljúga til Íslands yfir veturinn

airberlin 860

Forsvarsmenn Airberlin ætla ekki lengur að láta sér nægja að fljúga til Íslands yfir sumarmánuðina. Forsvarsmenn Airberlin ætla ekki lengur að láta sér nægja að fljúga til Íslands yfir sumarmánuðina. Þar með verður samkeppni um farþega á leið héðan til Berlínar utan aðalferðamannatímabilsins.
Í byrjun þessa mánaðar hófst Íslandsflug Airberlin á nýjan leik og er þetta tíunda sumarið í röð sem félagið flýgur hingað til lands. Umsvif þessa næststærsta flugfélags Þýskalands á Keflavíkurflugvelli hafa aukist ár frá ári og í sumar mun félagið til að mynda fljúga allt að sex sinnum í viku héðan frá Berlín en tvisvar til þrisvar frá Hamborg, Dusseldorf og Munchen. Í öllum tilvikum er um að ræða næturflug og er lent í Þýskalandi snemma morguns.

Flogið um miðjan dag 

Þrátt fyrir langa reynslu af flugi til Íslands hafa stjórnendur Airberlin ekki boðið upp á reglulegar ferðir hingað utan sumartíma. Á því verður nú breyting því frá og með deginum í dag er hægt að bóka flug með félaginu milli Berlínar og Íslands í allan vetur. Theresa Kahn, talskona félagsins, segir í samtali við Túrista að það sé fagnaðarefni að geta nú boðið upp á heilsárs tengingu milli Íslands og Tegel flugvallar í Berlín. Þar með gefist Íslendingum einnig tækifæri á að nýta sér leiðakerfi Airberlin út um allan heim. Vélar Airberlin munu taka á loft frá Keflavíkurflugvelli um hádegi á fimmtudögum og síðdegis á sunnudögum. Með þessu verður Airberlin fyrsta þýska flugfélagið til að bjóða upp á áætlunarflug til Íslands yfir vetrarmánuðina.

Veita WOW samkeppni

Auk Airberlin fljúga WOW air og German Wings héðan til Berlínar. Íslenska félagið hefur hins vegar verið það eina á flugleiðinni frá hausti og fram á vor. En með tilkomu vetrarflugs Airberlin til Íslands verður breyting þar á. Að sögn Theresa Kahn munu ódýrustu farmiðar Airberlin, báðar leiðir, kosta 199 evrur sem jafngildir rúmum 29 þúsund krónum. Samkvæmt athugun Túrista er það álíka og ódýrustu farmiðar WOW air til Berlínar kostar í vetur. Líkt og Túristi greindi frá um helgina þá hefur íslenskum ferðamönnum í Berlín fjölgað mjög hratt það sem af er ári.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …