Indítónlist hittir í mark hjá flugfarþegum

Eftir að forsvarsmenn stærsta flugfélags heims skrúfuðu fyrir lyftutónlistina og settu rokk á fóninn þá rignir inn jákvæðum umsögnum á samfélagsmiðlunum.
Í hátalarakerfum flugvéla hljómar oft músík á meðan farþegarnir koma sér fyrir og aftur þegar þeir ganga frá borði. Fyrir valinu verður þá oft hlutlaus tónlist sem engan stuðar eða hrífur. Þannig var það til að mynda í vélum stærsta flugfélags heims, American Airlines.
Í vor fannst stjórnendum fyrirtækisins hins vegar kominn tími á breytingar og íhuguðu að útbúa lagalista með vinsælustu lögunum hverju sinni. Sú hugmynd þótti hins vegar ekki nógu góð og í staðinn var ákveðið að spila aðeins indítónlist. En til þeirrar tónlistarstefnu teljast rokk- og popparar sem ná sjaldnast til mjög stórra hlustendahópa og komast þar af leiðandi sjaldan á vinsældarlista. Samkvæmt frétt Skift.com hefur þessi áherslubreyting haft það í för með sér að jákvæðar umsagnir um American Airlines á Twitter eru sjöfalt fleiri nú en áður.
Hér fyrir neðan má sjá lagalista American Airlines.

Lögin fyrir flugtak:

1 Chillout – Ice Dream
2 The xx – Crystalised
3 Jens Buchert – Hermetic Laws
4 Phantogram – When I’m Small
5 Amberland – Obelisk
6 Lykke Li – I Follow Rivers
7 Jens Buchert – Dawn Rider
8 M83 – Wait

Lögin eftir lendingu:

1 Foster the People – I Would Do Anything for You
2 Hozier – From Eden
3 Wild Cub – Thunder Clatter
4 Real Estate – Snow Days
5 Little Dragon – Ritual Union
6 Lykke Li – No Rest For The Wicked
7 Cayucas – Cayucos
8 Future Islands – Seasons (Waiting on You)
9 Small Black – No Stranger
10 Peter Black – Soon
11 Broken Bells – After the Disco
12 The Shins – New Slang
13 Little Joy – The Next Time Around
14 Ivan & Alyosha – Running For Cover

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.

Vanguard á lista yfir stærstu hluthafa Icelandair

Bandarískir sjóðir halda áfram að auka hlut sinn í Icelandair því samkvæmt nýjum hluthafa lista þá hefur bandaríska sjóðastýringafyrirtækið Vanguard eignast 0,89 prósent hlut í Icelandair. Flugfélagið bætist þar með í hóp fjölda skráðra íslenskra fyrirtækja sem Vanguard hefur fjárfest í undanfarin misseri. Um leið eykst vægi erlendra fjárfesta í eigendahópi Icelandair en líkt og … Lesa meira