Samfélagsmiðlar

Fargjöld Icelandair og WOW air til Washington fara í sitthvora áttina

washington yfir

Á föstudaginn er jómfrúarferð WOW air til Washington á dagskrá. Miðar í fyrstu ferðir félagsins til borgarinnar hafa lækkað í verði síðastliðinn mánuð Á föstudaginn er jómfrúarferð WOW air til Washington á dagskrá. Miðar í fyrstu ferðir félagsins til borgarinnar hafa lækkað í verði síðastliðinn mánuð. Fargjöld Icelandair hafa hækkað á sama tíma.
Flugfarþegar eru vanari því að farmiðar hækki frekar en lækki í verði þegar styttist í brottför. Það er þó ekki algilt og nýjasta dæmið um það eru fyrstu ferðir WOW air til Baltimore-Washington flugvallar síðar í þessum mánuði.

Ólík verðþróun

Þann 2. apríl sl. kostuðu farmiðarnir vestur um haf með WOW air að meðaltali 20.618 krónur á tímabilinu 8. til 22.maí. Í dag er meðalverðið á þessu hálfsmánaðar  tímabili komið niður í 18.999 krónur samkvæmt úttekt Túrista. Verðlækkunin hjá WOW air nemur 7,9 prósentum. Á sama tíma hafa lægstu fargjöld Icelandair til Washington Dulles flugvallar hins vegar hækkað úr 45.183 kr. að meðaltali í 51.761 kr. sem jafngildir 14,6 prósent hækkun. Bilið á fargjöldum félaganna tveggja á þessu 15 daga tímabili hefur því breikkað þónokkuð síðastliðinn mánuð. WOW air flýgur níu sinnum til Washington á tímabilinu en Icelandair daglega. Í könnun Túrista voru aðeins könnuð fargjöld aðra leiðina, þ.e. frá Íslandi til Washington. 

Ýmis aukagjöld hjá WOW

Sá sem bókar farmiða með Icelandair til Bandaríkjanna má innrita tvær ferðatöskur, taka með sér 10 kíló í handfarangri, velja sér sæti og eins fylgja óáfengir drykkir um borð. Hjá WOW air kostar hver innrituð taska á leið til Washington hins vegar 4.999 krónur og undir handfarangur sem er þyngri en 5 kíló þarf að borga 2.999 krónur aðra leiðina. Þeir sem vilja tryggja sér ákveðið sæti um borð hjá WOW borga líka sérstaklega fyrir það og sama gildir um veitingarnar. 999 króna bókunargjald leggst einnig ofan á allar pantanir hjá íslenska lággjaldaflugfélaginu. Það getur því bæst töluvert ofan á farmiðaverðið hjá WOW air, t.d. ef ferðast á með meira en nokkurra kílóa tösku.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …