Óeðlilegt að ríkisstarfsmenn þiggi vildarpunkta

Framkvæmdastjóri Félags atvinnurekenda segir algjört grundvallaratriði að tekið verði fyrir að sporslur til ríkisstarfsmanna Undirbúningur er hafin á útboði á farmiðakaupum ríkisins. Framkvæmdastjóri Félags atvinnurekenda segir algjört grundvallaratriði að tekið verði fyrir að sporslur til ríkisstarfsmanna.
Kaup hins opinbera á flugmiðum eru talin vera það umfangsmikil að leita skuli tilboða í þau á nýjan leik. Þetta kemur fram í úrskurði kærunefndar útboðsmála sem birtur var í síðustu viku í máli WOW air gegn fjármálaráðuneytinu. Lagði nefndin það fyrir fjármálaráðuneytið að farmiðakaup ríkisins til og frá Íslandi verði boðin út. Samkvæmt upplýsingum Túrista frá Ríkiskaupum þá er gagnaöflun hafin fyrir þess háttar útboð.
Fyrir rúmum fjórum árum bauð ríkið síðast út kaup sín á farmiðum og þá bárust tilboð frá Icelandair og Iceland Express og var þeim báðum tekið. Forsvarsmenn Iceland Express kærðu þá niðurstöðu og sögðust lítil viðskipti hafa fengið frá hinu opinbera þrátt fyrir samninginn. Iceland Express hætti starfsemi haustið 2012.

Tóku óhagstæðu tilboði

Forsvarsmenn Félags atvinnurekenda hafa lengi talað fyrir því að nýtt útboð verði haldið og í svari til Túrista segir Ólafur Stepenhensen, framkvæmdastjóri samtakanna, að flugmiðakaupin skuli bjóða út á Evrópska efnahagssvæðinu og allir eigi að hafa jafnan rétt á að taka þátt. „Það er mikilvægt að samkeppnin verði sem virkust til að ná sem mestri hagkvæmni. Það á því að taka tilboðum sem eru fjárhagslega hagkvæm en það er líka mikilvægt að hafna tilboðum sem eru það ekki. Síðast þegar flugmiðakaup voru boðin út var tekið tveimur tilboðum, lágu boði frá Iceland Express og jafnframt háu boði frá Icelandair. Kærunefnd útboðsmála komst síðar að þeirri niðurstöðu að síðarnefnda tilboðið hefði verið svo óhagstætt að því hefði ekki átt að taka. Niðurstaðan varð hins vegar sú að ríkið beindi áfram viðskiptum sínum aðallega til félagsins sem bauð lakari kjör.“

Vildarpunktar eiga ekki að vera í boði

Ólafur segir jafnframt að það sé algjört grundvallaratriði að tekið verði fyrir það að einstaka bjóðendur geti boðið starfsmönnum ríkisins sporslur fyrir að beina viðskiptum sínum til þeirra. „Það er í hæsta máta óeðlilegt að ríkisstarfsmenn þiggi vildarpunkta til persónulegra nota vegna flugferða sem skattgreiðendur hafa borgað fyrir. Um þetta gilda engar reglur, þrátt fyrir ábendingar m.a. Ríkisendurskoðunar.“

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.

Vanguard á lista yfir stærstu hluthafa Icelandair

Bandarískir sjóðir halda áfram að auka hlut sinn í Icelandair því samkvæmt nýjum hluthafa lista þá hefur bandaríska sjóðastýringafyrirtækið Vanguard eignast 0,89 prósent hlut í Icelandair. Flugfélagið bætist þar með í hóp fjölda skráðra íslenskra fyrirtækja sem Vanguard hefur fjárfest í undanfarin misseri. Um leið eykst vægi erlendra fjárfesta í eigendahópi Icelandair en líkt og … Lesa meira