Áfram eykst umferðin um Keflavíkurflugvöll á milli ára. Í apríl fjölgaði brottförunum um að jafnaði fjórar á dag. Áfram eykst umferðin um Keflavíkurflugvöll á milli ára. Í apríl fjölgaði brottförunum um að jafnaði fjórar á dag. Íslensku félögin tvö standa undir um átta af hverjum tíu áætlunarferðum.
Í síðasta mánuði voru farnar að jafnaði 32 áætlunarferðir á dag frá Keflavíkurflugvelli og fjölgaði þeim um 14 prósent frá sama tíma í fyrra samkvæmt talningu Túrista. Níu flugfélög buðu upp á reglulegt flug til og frá Keflavíkurflugvelli í apríl.
Þau íslensku með bróðurpartinn
Á fyrsta fjórðungi ársins var easyJet annað umsvifamesta flugfélagið á Keflavíkurflugvelli í brottförum talið. Fram að því hafði WOW air og þar á undan Iceland Express verið í öðru sætinu á eftir Icelandair. Íslenska lággjaldaflugfélagið hefur nú endurheimt það sæti því í apríl bauð félagið upp á talsvert fleiri ferðir en easyJet. Munar þar miklu um að WOW air hefur hafið flug til Bandaríkjanna á meðan easyJet dregur vanalega úr Íslandsflugi á vorin og sumrin. Samanlagt stóðu íslensku flugfélögin Icelandair og WOW air fyrir um átta af hverjum tíu áætlunarferðum í síðasta mánuði.
Hlutdeild Icelandair dregast saman
Í apríl fjölgaði flugferðum Icelandair um nærri fimm prósent frá sama tíma í fyrra en þrátt fyrir að minnkar vægi félagsins á Keflavíkurflugvelli eins og sjá má á töflunni hér fyrir neðan. Ástæðan fyrir því er sú að hlutfallslega jókst umferðin á vegum easyJet og WOW air mun meira.
Umsvifamestu flugfélögin á Keflavíkurflugvelli, í brottförum talið:
Apríl 2015 | Flugfélag | Hlutdeild 2015 | Hlutdeild 2014 |
1. | Icelandair | 65% | 71% |
2. | WOW air | 14,6% | 13,2% |
3. | easyJet | 11,7% | 7,6% |
4. | SAS | 3,4% | 3,6% |
5. | Norwegian | 2,2% | 2,5% |