Samfélagsmiðlar

WOW air skoðar flug til lítils flugvallar í New York fylki

Forsvarsmenn WOW air leita nýrra áfangastaða og einn af þeim flugvöllum sem fyrirtækið er í viðræðum við er í Long Island í New York fylki.
Í mars síðastliðnum hófst áætlunarflug WOW air til Bandaríkjanna og félagið býður nú upp á ferðir allt árið um kring til Boston og Washington. Áður hafði staðið til að New York yrði annar af tveimur fyrstu áfangastöðum félagsins vestanhafs en samkvæmt heimildum Túrista fékk íslenska flugfélagið hins vegar ekki þá afgreiðslutíma sem óskað var eftir á Newark flugvelli sem liggur skammt frá New York. En flughafnirnar í nágrenni við heimsborgina munu vera þéttsetnir og erfitt fyrir nýja aðila að komast þar að.

Nýir áfangastaðir kynntir síðar

Nú líta forsvarsmenn WOW air hins vegar til mun minni flugvallar í New York fylki því samkvæmt fréttavefnum Long Island Business News eru viðræður í gangi milli íslenska flugfélagsins og stjórnenda Long Island MacArthur flugvallar. Svanhvít Friðriksdóttir, upplýsingafulltrúi WOW air, staðfestir við Túrista að Long Island MacArthur sé einn af mörgum flugvöllum sem félagið sé að skoða. „Nýir áfangastaðir fyrir árið 2016 verða tilkynntir síðar,“ bætir hún við.

Jafn fjölmennir Íslendingum

Long Island MacArthur flugvöllur er í rúmlega 80 kílómetra fjarlægð frá Manhattan og tilheyrir bænum Islip. Á síðasta ári fóru um 1,3 milljónir farþega um flugvöllinn og hefur þeim fækkað umtalsvert frá aldarmótum. Bæjaryfirvöld í Islip vinna að því að laða fleiri flugfélög til bæjarins og í Long Island Business News er haft er eftir Angie Carpenter, bæjarstjóra, að hugsanleg koma WOW air gæti skapað mörg ný tækifæri og hún segist því vera mjög spennt fyrir verkefninu.
Íbúar Islip eru ríflega 330 þúsund talsins sem er álíka fjöldi og býr hér á landi. Það tekur um einn og hálfan tíma að komast frá flugvelli bæjarins og inn til New York borgar.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …