Það flugu tæplega 103 þúsund útlendingar frá Keflavíkurflugvelli í apríl og þar af var um sjötti hver með bandarískt vegabréf eða 18 þúsund manns.
Þetta er mun lægra hlutfall en var á þessum tíma árs fyrir heimsfaraldur. Í apríl 2019 var vægi bandarísku farþeganna til að mynda 22 prósent og um fjórðungur árin 2018 og 2017 eins og sjá má hér fyrir neðan.
Bretar voru um sextán þúsund í apríl og hlutfall þeirra því álíka og Bandaríkjamanna. Á árunum fyrir Covid-19 var bilið á milli þessara tveggja þjóða hins vegar mun meira í apríl eins og sjá má hér fyrir neðan.
Það flugu svo rúmlega 11 þúsund Pólverjar frá Keflavíkurflugvelli í síðasta mánuði og þeir því þriðja fjölmennasta þjóðin í hópi erlendra farþega á Keflavíkurflugvelli. Vægi Pólverjar hefur hækkað hratt síðustu ár eða úr þremur prósentum í apríl 2017 í 11 prósent í nýliðnum apríl. Í því samhengi er vert að minna á að útlendingar búsettir á Íslandi eru meðtaldir í þessum tölum Ferðamálastofu.
Það eru svo tæplega sex þúsund Frakkar sem voru í fjórða sæti og Þjóðverjar voru í fimmta sætinu.
