Samfélagsmiðlar

Hópfjármögnun til hjálpar Grikkjum

grikkland fani

Breskur skósali vonast til að safna 235 milljörðum króna næstu sjö daga og færa grískum stjórnvöldum. Þeir sem láta fé af hendi rakna eigi von á þakklætisvotti frá grísku þjóðinni.
Gríska ríkisstjórnin hefur tilkynnt að hún geti ekki greitt 1,6 milljarð evra í afborgun af skuld sinni við Alþjóðagjaldeyrissjóðinn. Afborgunin er á gjalddaga í dag og hafa ráðamenn ESB, Alþjóðagjaldeyrissjóðsins og Grikklands verið á neyðarfundum síðustu daga og vikur vegna stöðunnar en viðræðurnar hafa engum árangri skilað.

Fetaostur og ouzo í laun

Thom Feeney, breskur skósali, hugsar hinsvegar í lausnum og í fyrradag efndi hann til hópfjármögnunar til hjálpar gríska ríkissjóðnum.
Markmiðið er að safna fyrir þessari 1,6 milljarða evru afborgun (um 235 milljarðar íslenskra króna) og færa Grikkjum. Þeir sem leggja málefninu lið fá alls kyns gjafir frá Grikklandi. Þeir sem gefa 3 evrur eiga von á póstkorti frá forsætisráðherra Grikklands, fyrir sex evru framlag fæst fetaostur og salat og þjóðaráfengið ouzo fer til þeirra sem gefa 10 evrur. Grikklandsreisur og jafnvel ótakmarkað þakklæti grísku þjóðarinnar er í boði fyrir þá sem gefa miklu meira. Nú þegar hafa safnast um 35 milljónir króna sem er lítið brot af þeim 235 milljörðum sem markið er sett á en ennþá eru sjö dagar til stefnu.
Thom Feeney segist sjálfur hafa gefið 10 evrur og bendir á að ef þriðji hver Evrópubúi fylgi fordæmi hans þá dugi það til að ná takmarki söfnunarinnar.
Þeir sem vilja leggja málefninu lið geta lagt sitt að mörkum hér

Nýtt efni

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …