Mismunandi mörk á vínanda í blóði bílstjóra

Bílstjórum eru settar breytilegar skorður varðandi drykkju. Sumstaðar má fá sér smá og annarsstaðar ekki dropa. Hér má sjá hversu mikið áfengi má vera í blóði þess sem situr undir stýri í hinum ýmsu löndum.
Akstur undir áhrifum áfengis eða lyfja er ein af þremur algengustu orsökum banaslysa í umferðinni og sá sem ekur ölvaður er talinn vera um 90 sinnum líklegri til að lenda í banaslysi en sá sem ekki er undir áhrifum samkvæmt því sem segir á vef Samgöngustofu. Þar kemur jafnframt fram að hér á landi megi vínandamagn í blóði ökumanns ekki nema meira en 0,5 prómillum. Mörg lönd setja mörkin við sama magn en sum leyfa meira og önnur minna eins og sjá má á töflunni hér fyrir neðan.

Kaffi og dans hjálpar ekki

Eins og gefur að skilja er alltaf best að setjast ekki undir stýri eftir neyslu áfengra drykkja. En samkvæmt heimasíðu FÍB þá myndi sá sem drekkur einn lítinn bjór eða 2,8 cl af sterku víni mælast með vínandamagn upp á 0,2 prómill. Tveir til þrír bjórar jafnast á við 0,5 prómill. Sá sem drekkur svo mikið yrði því tekinn fyrir ölvunarakstur hér á landi.
Það tekur hins vegar fólk mislangan tíma að losna við áfengi úr blóðinu og áhrifin hverfa helmingi hraðar hjá 100 kílóa manni í samanburði við þann sem er 50 kíló samkvæmt heimasíðu danska umferðaráðsins. Þar segir jafnframt að kaffidrykkja, ferskt loft, dans eða önnur hreyfing flýti ferlinu ekki neitt.

Reglur um hámark vínanda í blóði bílstjóra (heimild Iard.org):
Ástralia: 0,5 prómill
Austurríki: 0,5 prómill
Bandaríkin: 0,8 prómill
Bretland: 0,8 prómill (0,5 í Skotlandi)
Belgía: 0,5 prómill
Danmörk: 0,5 prómill
Finnland: 0,5 prómill
Frakkland: 0,5 prómill
Grikkland: 0,5 prómill
Holland: 0,5 prómill
Ísland: 0,5 prómill
Írland: 0,5 prómill
Ítalía: 0,5 prómill
Japan: 0,3 prómill
Kanada: 0,5 til 0,8 prómill
Króatía: 0,5 prómill
Noregur: 0,2 prómill
Pólland: 0,2 prómill
Portúgal: 0,49 prómill
Rússland: 0 prómill
Serbía: 0,3 prómill
Spánn: 0,5 prómill
Svíþjóð: 0,2 prómill
Sviss: 0,5 prómill
Taíland: 0,5 prómill
Tékkland: 0 – 0,8 prómill
Tyrkland: 0,5 prómill
Þýskaland: 0,5 prómill

Mótmælin draga úr bókunum en þó ekki hjá Icelandair

Tugþúsundir Ísraela hafa mótmælt á götum úti síðustu vikur vegna áforma ríkisstjórnar Benjamíns Netanjahús um breytingar á dómskerfi landsins. Þar er meðal annars lagt til að ísraelska þingið fái heimild til að snúa dómum hæstaréttar með einföldum þingmeirihluta. Forseti hæstaréttar Ísrael segir áformin árás á lýðræði í landinu. Skráðu þig inn til að lesa Þessi … Lesa meira

„Þurfum að meta upp á nýtt hvað sé vel heppnuð ferðaþjónusta“

Efnahags- og framfarastofnunin, OECD, hvetur til betri stýringar í ferðaþjónustu á komandi árum - á sama tíma og greinin þarf að leita nýrra leiða til að halda fyrri styrk og efnahagslegu mikilvægi. „Það verður að finna út úr því hvers konar ferðaþjónustu við viljum í löndum okkar," segir yfirmaður ferðamála hjá OECD.

Enn lokast þýskir flugvellir vegna verkfalla

Flugsamgöngur á meginlandinu raskast áfram vegna verkfallsaðgerða. Bæði í Frakklandi og Þýskalandi hefur ítrekað stöðvast flug eða tafist vegna verkfallsaðgerða á síðustu vikum og mánuðum. Nú beinast aðgerðir að flugvöllunum í München og í Frankfurt, þeim fjölfarnasta í Þýskalandi.

Áfram gríðarlegt tap hjá SAS

Stjórnendur skandinavíska flugfélagsins SAS hafa síðustu mánuði nýtt gjaldþrotavernd bandaríska dómstóla til að endurskipuleggja félagið. Þetta svokallaða Chapter-11 ferli krefst þess að SAS geri upp hvern einasta mánuð og niðurstaðan fyrir febrúar liggur nú fyrir. Og tapið nam 900 milljónum sænskra króna eða um 12 milljörðum íslenskra króna. Þetta er fjórðungi minna tap en í … Lesa meira

Fjórir frambjóðendur um þrjú sæti

Aðalfundur Samtaka ferðaþjónustunnar fer fram í Stykkishólmi á fimmtudaginn í næstu viku og þar verður kosið um þrjú sæti í aðalstjórn samtakanna. Fjögur framboð bárust og þar á meðal er frá Skarphéðni Berg Steinarssyni sem lét af embætti ferðamálastjóra um síðustu áramót. Skarphéðinn rekur ásamt konu sinni Sjávarborg, gistihús og kaffihús í Stykkishólmi. Rannveig Grétarsdóttir, … Lesa meira

„Slípum demantinn“

„Við verðum að taka umræðuna um aðgangsstýringu að vinsælustu ferðamannastöðum okkar - og ganga svo til verka," sagði Grímur Sæmundsen, forstjóri Bláa lónsins, á ráðstefnu í Hörpu um þjóðhagslegt mikilvægi ferðaþjónustunnar. Áhrifafólk í ferðaþjónustunni virðist almennt vilja forðast ástandið sem skapaðist fyrir heimsfaraldur.