Hér eru þeir 25 evrópsku áfangastaðir sem ferðavefurinn Tripadvisor telur þá mest spennandi í ár. Til átta þeirra er hægt að fljúga beint til frá Keflavíkurflugvelli. Hér eru þeir 25 evrópsku áfangastaðir sem ferðavefurinn Tripadvisor telur þá mest spennandi í ár. Til átta þeirra er hægt að fljúga beint til frá Keflavíkurflugvelli.
Istanbúl er sú borg í Evrópu sem forsvarsmenn hinnar víðlesnu ferðasíðu Tripadvisor segja vera áhugaverðasta áfangastaðinn í Evrópu í ár. Þar á eftir koma höfuðborgir Tékklands, Bretlands, Ítalíu og Frakklands en sú íslenska er í sæti númer tuttugu. Í umsögn Tripadvisor um Reykjavík segir meðal annars að þessi nyrsta höfuðborg Evrópu sé góð bækistöð fyrir þá sem vilja kynnast náttúru Íslands en vilja geta hlaðið batteríin á ný í sundlaugum borgarinnar og heilsuræktum. Tripadvisor segir stemninguna í Reykjavík vera fordómalausa og kraftmikla sem skili sér í víðfrægu tónlistar- og listalífi, góðum mat og hinu alræmda næturlífi borgarinnar.
Fimm ítalskir staðir
Af þeim tuttugu og fimm áfangastöðum sem komast á lista Tripadvisor þá er aðeins flogið beint héðan til átta þeirra. Það eru London, Róm, París, Barcelona, Amsterdam, Vínarborg, Edinborg og Berlín. Á listanum eru hins vegar nokkrar minni borgir og bæir sem liggja nokkurn spöl frá alþjóðlegum flugvelli. Athygli vekur að Frakkar eiga aðeins einn fulltrúa á listanum, Spánn tvo en Ítalir hvorki fleiri né færri en fimm. Flugsamgöngur milli Ítalíu og Íslands hafa því miður verið bágbornar um langt skeið en í sumar verður þó í fyrsta skipti boðið upp á áætlunarflug héðan til Rómar. Hér má sjá hvert verður flogið beint frá Keflavík í sumar og haust.
Helstu áfangastaðirnir í Evrópu 2015 að mati Tripadvisor
- Istanbúl, Tyrkland
- Prag, Tékkaland
- London, Bretland
- Róm, Ítalía
- París, Frakkland
- Zermatt, Sviss
- Barcelona
- Goerme, Tyrkland
- Sankti Pétursborg, Rússland
- Aþena, Grikkland
- Búdapest, Ungverjaland
- Lissabon, Portúgal
- Flórens, Ítalía
- Feneyjar, Ítalía
- Rimini, Ítalía
- Amsterdam, Holland
- Sorrento, Ítalía
- Funchal, Portúgal
- La Oliva, Fuerteventura, Spánn
- Reykjavík
- Kraká, Pólland
- Vínarborg, Austurríki
- Killarney, Írland
- Edinborg, Skotland
- Berlín, Þýskaland