Bókum oftar sólarlandaferðir rétt fyrir brottför

Ferðaskrifstofan Nazar býður upp á sólarlandaferðir frá öllum Norðurlöndunum og í höfuðstöðvum fyrirtækisins er eftir því tekið hvað Íslendingar eru til í að kaupa ferðir með stuttum fyrirvara. Ferðaskrifstofan Nazar býður upp á sólarlandaferðir frá öllum Norðurlöndunum og í höfuðstöðvum fyrirtækisins er eftir því tekið hvað Íslendingar eru til í að kaupa ferðir með stuttum fyrirvara.
Júní var kaldur hér á landi og á hinum Norðurlöndunum hefur sumarið verið vætusamt fram að þessu. Þegar þannig viðrar eykst eftirspurn eftir sólarlandaferðum því þá vilja fleiri verja fríinu á suðrænum slóðum. Sumir bóka jafnvel ferðirnar stuttu fyrir brottför og það á sérstaklega við hér á landi. Það er alla vega reynsla starfsmanna ferðaskrifstofunnar Nazar sem býður upp á Tyrklandsreisur frá Danmörku, Finnlandi, Noregi, Svíþjóð og Íslandi.

Keyptu miða þremur tímum fyrir flugtak

„Það hefur komið skandinavísku samstarfsfólki mínu á óvart hversu seint sumir Íslendingar bóka ferðirnar. Þegar við eigum nokkur sæti laus, einum eða tveimur dögum fyrir brottför, reiknum við ekki endilega með því að þau seljist. Nema kannski á Íslandi því það kemur fyrir að síðustu sætin þaðan bókist daginn fyrir brottför eða jafnvel samdægurs“, segir Kristín Lind Andrésdóttir, markaðsstjóri Nazar. „Það eru meira að segja dæmi um að fólk hafi pantað ferð allt að þremur tímum fyrir brottför en þá nær það nú bara rétt að henda sundbuxunum í bakpoka og bruna út á völl.“

Flestir tímanlega í því

Eins og áður segir er Nazar með starfsemi á öllum fimm Norðurlöndunum og fá starfsmenn ferðaskrifstofurnar því góða sýn á mismunandi kaupheðgun frændþjóðanna. Kristín segir áhersluna hjá Nazar vera á fjölskyldufrí og þess háttar ferðir bóki flestir mörgum mánuðum og jafnvel ári fyrir brottför. Íslenskir ferðalangar eru þar engin undantekning og segir Kristín að þrátt fyrir þann hóp Íslendinga sem stökkvi út með stuttum fyrirvara þá hafi í ár mun fleira fjölskyldufólk fest sér ferðir sumarsins með lengri fyrirvara en tíðkaðist í fyrra. En það var fyrsta starfsár Nazar hér á landi.

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.

Vanguard á lista yfir stærstu hluthafa Icelandair

Bandarískir sjóðir halda áfram að auka hlut sinn í Icelandair því samkvæmt nýjum hluthafa lista þá hefur bandaríska sjóðastýringafyrirtækið Vanguard eignast 0,89 prósent hlut í Icelandair. Flugfélagið bætist þar með í hóp fjölda skráðra íslenskra fyrirtækja sem Vanguard hefur fjárfest í undanfarin misseri. Um leið eykst vægi erlendra fjárfesta í eigendahópi Icelandair en líkt og … Lesa meira