Samfélagsmiðlar

Erfiðara að eiga við farþegaaukninguna en gert var ráð fyrir

kef turisti

Mjög langar biðraðir mynduðust í Flugstöð Leifs Eiríkssonar í gær og seinka þurfti öllum morgunflugum Icelandair. Mjög langar biðraðir mynduðust í Flugstöð Leifs Eiríkssonar í gær og seinka þurfti öllum morgunflugum Icelandair. Forsvarsmenn Isavia búast við miklu álagi í júlí og biðja farþega um að mæta tímanlega í flug.
Það var fullt út úr dyrum í innritunarsal Keflavíkurflugvallar í gærmorgun og stór hluti farþega Icelandair þurfti að bíða í um klukkustund eftir því að geta innritað sig og skila farangri. Í framhaldinu tók við tæplega hálftíma bið við vopnaleitina og náði röðin við öryggishliðin niður í innritunarsalinn. Seinka þurfti öllum sautján morgunflugum Icelandair um hálftíma til klukkutíma vegna seinagangsins sem skrifast meðal annars á manneklu í vopnaleit. 

Pirraðir farþegar

Meðal farþega á Keflavíkurflugvelli í gær var Túristi og það var greinilegt að langar raðir við innritunarborðin komu fólki í opna skjöldu. Margir áttuðu sig til að mynda ekki á því hvar biðraðirnar byrjuðu og fóru því inn í þær miðjar sem olli miklum pirringi hjá þeim sem stóðu aftar. Þegar nær dró brottför urðu farþegar stressaðir og vildu komast framar í raðirnar til að ná um borð fyrir flugtak. Athygli vakti að tvö af öryggishliðum flugvallarins voru ekki í notkun þrátt fyrir langar biðraðir. Aðspurður um þetta ástand segir Guðni Sigurðsson, talsmaður Isavia, að farþegaaukningin á Keflavíkurflugvelli sé meiri en gert hafi verið ráð fyrir og erfiðara sé að ráða við hana en talið var. „Við höfum í sumar þurft að bæta við okkur mjög mikið af starfsfólki, eins og í raun allir rekstraraðilar á flugvellinum. Það hefur verið erfitt að fá fólk og auk þess gerði mannaflaspáin okkar ekki ráð fyrir svona miklu álagi. Það tekur langan tíma að þjálfa fólk upp svo það tekur tíma að bregðast við þessu.“ Guðni bendir einnig á að innleiðing nýs búnaðar við öryggishlið hafi gengið hægar en búist var við.

Betra að mæta snemma 

Unnið er að því að stækka farþegasvæði Flugstöðvar Leifs Eiríkssonar en Guðni segir það vera mikið verk sem taki tíma. „Ljóst er að júlímánuður verður erfiður hjá okkur og það má búast við flöskuhálsum á álagstímum á morgnana og seinnipartinn. Við hvetjum farþega til að koma snemma og við munum í sumar byrja innritun fyrr til þess að dreifa álaginu á þessum álagstoppum betur.“ Farþegar sem eiga að fljúga frá landinu milli klukkan sex og átta á morgnana, frá þrjú til fimm seinnipartinn eða um miðnætti eru hvattir til að koma út á völl að minnsta kosti þremur tímum fyrir brottför.

Fara rækilega yfir málin

Eins og áður segir voru það farþegar Icelandair sem urðu að sætta sig við langar raðir í gærmorgun og seinkun á ferðum. „Það sem olli töfum þennan morgun voru einkum bilanir í töskufæribandi flugvallarins, sem hafði ekki undan og tafði innritun, auk þess sem vopnaleitin var undirmönnuð. Innritun gengur alla jafna nokkuð hratt og vel, en bilanir eins og þessar hægja á öllu ferlinu, lengja biðraðir og seinka flugi. Þegar svona aðstæður skapast er farið rækilega yfir málin af öllum sem bera ábyrgð, og allt reynt að gera til að bæta úr,“ segir Guðjón Arngrímsson, upplýsingafulltrúi Icelandair, aðspurður um atburði gærdagsins.
Þess má geta að í morgun hélt áætlun Keflavíkurflugvallar í nær öllum tilvikum enda vanalega færri á ferðinni á mánudögum en á sunnudögum.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …