Samfélagsmiðlar

Gætu styrkt flug til Egilsstaða og Akureyrar til fleiri ára

akureyri egilsstadir

Flugfélag sem ákveður að hefja millilandaflug til Akureyrar og Egilsstaðar gæti fengið flugvallargjöld og markaðsstyrki til nokkurra ára. Stýrihópur um eflingu flugvallanna tveggja skilar skýrslu í september. Flugfélag sem ákveður að hefja millilandaflug til Akureyrar og Egilsstaðar gæti fengið flugvallargjöld og markaðsstyrki til nokkurra ára. Stýrihópur um eflingu flugvallanna tveggja skilar skýrslu í september.
Það er svigrúm hjá hinu opinbera til að styrkja millilandaflug frá landsbyggðinni að mati Matthíasar Imsland, formanns stýrihóps sem kannar möguleika á eflingu flugsamgangna frá Akureyri og Egilsstöðum. Stuðningurinn gæti verið í formi niðurfellingar á flugvallargjöldum og markaðsstyrkja til nokkurra ára segir Matthías í samtali við Túrista. Samkvæmt frétt Fréttablaðsins í dag gætu tekjur ríkisins af samtals fjórum ferðum í viku til Egilsstaða og Akureyrar orðið um 1,3 milljarðar króna árlega. Í frétt blaðsins segir jafnframt að ríkið gæti liðkað fyrir flugi til þessara staða með styrkjum til tveggja ára en líkt og áður segir þá útilokar Matthías ekki stuðning til lengri tíma. Ekki er þó ljóst í dag hvernig þessum málum verður háttað og hvort gerð verði krafa um að flugfélög bjóði upp á heilsársflug eða aðeins tímabundið en von er á skýrslu stýrihópsins í september nk.

Iceland Express fékk lítinn stuðning

Í dag takmarkast millilandaflug frá Akureyri og Egilsstöðum við nokkur leiguflug á ári auk Grænlandsferða. Icelandair og WOW air hafa til að mynda ekki séð sér hag í því að fljúga þaðan til útlanda en Icelandair flýgur hins vegar frá Akureyri til Keflavíkurflugvallar yfir sumartímann. Iceland Express gerði hins vegar tilraunir til að halda úti millilandaflugi frá Akureyri í forstjóratíð Matthíasar Imsland en því var svo hætt. Að sögn Matthíasar fékk Iceland Express mjög lítinn stuðning á þeim tíma en hann segir að nú sé viðhorf opinberra aðila og ferðaþjónustunnar annað.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …