Icelandair og WOW sýndu Egilsstaðafluginu ekki áhuga

Ferðaskrifstofan Discover the World áformar ekki aðeins að fljúga milli London og Egilsstaða næsta sumar og haust heldur einnig í febrúar og mars. Íslensku flugfélögin höfðu ekki áhuga á samstarfi. Ferðaskrifstofan Discover the World áformar ekki aðeins að fljúga milli London og Egilsstaða næsta sumar og haust heldur einnig í febrúar og mars. Mikilvægt er að heimamenn fyrir austan nýti sér áætlunarferðirnar segir framkvæmdastjóri ferðaskrifstofunnar. Íslensku flugfélögin höfðu ekki áhuga á samstarfi um flugið.
Ef áætlanir ferðaskrifstofunnar Discover the World ganga eftir mun 180 sæta Airbus þota fljúga einu sinni í viku frá London til Egilsstaða allt næsta sumar og fram til 2. október. Í febrúar og mars árið 2017 verða ferðirnar tvær í viku. Forsvarsmenn ferðaskrifstofunnar vilja með þessu bjóða Bretum upp á beint flug út í íslenska náttúru líkt og kom fram í frétt Túrista fyrir helgi. Ráðgert er að fjúga til Egilsstaða frá Gatwick flugvelli í London og verður þetta í fyrsta skipti sem Discover the World býður upp á eigin flugferðir hingað til lands í 31. árs sögu fyrirtækisins. Clive Stacey, eigandi ferðaskrifstofunnar, segist hafa óskað eftir samstarfi við bæði Icelandair og WOW air um flugið en ekkert hafi ekkert komið út úr því. „Við erum því að gera þetta sjálf þar sem enginn annar hefur áhuga,“ segir Stacey.

Stuðningur heimamanna mikilvægur

Nefnd á vegum forsætisráðuneytisins vinnur nú að tillögum um hvernig megi efla millilandaflug frá Akureyri og Egilsstöðum og að sögn Matthíasar Imsland, formanns stýrihópsins, kemur til álita að styðja við þess háttar flug með niðurfellingu á flugvallargjöldum og veitingu markaðsstyrkja. Þess háttar stuðningur er mikilvægur að mati Stacey eigi áætlunarflugið til Egilsstaða að vera gróðavænlegt. Hann segir að áformin um flugið verði ekki að veruleika nema opinberar stofnanir, fyrirtæki og ferðaþjónustan á Austurlandi styðji við það. Stacey tekur fram að verkefnið hafi hlotið góðar undirtektir hjá íbúum og stofnunum fyrir austan og það sé ástæðan fyrir því að undirbúningur sé kominn langt á veg. Auk viðræðna við hótel og ferðaþjónustuaðila hafa forsvarsmenn Discovcer the World nálgast fyrirtæki og stéttarfélög á Austurlandi í von um að þau skuldbindi sig til að kaupa ákveðin fjölda flugsæta. „…við trúum því að þetta verði eins mikil tímamót fyrir íbúa á Austurlandi og það verður fyrir viðskiptavini okkar,“ bætir Stacey við. Hann segir mikilvægt að fá botn í þessar viðræður til að geta farið lengra með verkefnið.

Hætta við flug til Akureyrar og Egilsstaða

Þýska flugfélagið Condor hefur tilkynnt að hætt hafi verið við áætlunarflug til Akureyrar og Egilsstaða frá Frankfurt sem hefjast átti um miðjan maí og standa fram í október. Sala á þessum ferðum hófst í júlí í fyrra og þá fagnaði forsvarsfólk ferðaþjónustunnar fyrir norðan og austan eins og Túristi greindi frá. Fyrirvarinn að fluginu hefði hins vegar þurft … Lesa meira

Matvörukeðjur bregðast við gagnrýni fjármálaráðherra og lækka verð

Fjármálaráðherra Svía, Elisabeth Svantesson, boðaði stjórnendur þriggja stærstu matvörukeðja landsins á sinn fund í byrjun síðustu viku til að ræða ört hækkandi matvælaverð í Svíþjóð. Í febrúar hækkaði verðlag á mat og drykkjarvörum meira en dæmi eru um síðan opinbert verðlagseftirlit hófst árið 2015 eða um 3,4 prósent. Til samanburðar hefur vísitala neysluverðs á mat … Lesa meira

„Við samþykkjum þetta ekki“

„Starfsfólk á flugvöllum, á ferjunum og í lestarsamgöngukerfinu halda landinu gangandi en eru á svo lágum launum að ekki tekst að manna öll störf. Fólk er ekki aðeins á lágum launum heldur þarf að þola mikið álag," segir formaður samtakanna sem lama nánast samgöngur í Þýskalandi í dag með verkföllum.

Herbergið verður ekki þrifið í dag

Það verður sífellt algengara vestanhafs að hótelherbergi séu ekki þrifin daglega nema að gesturinn óskir þess og sé tilbúinn að greiða aukalega fyrir það. Margir gestir óska þess að fá að vera í friði með sitt dót og telja sig vera að leggja umhverfinu lið með því að hafna þrifum. Hótelin spara tilkostnað en verkalýðsfélög mótmæla.

Fleiri bílaleigubílar en fyrir heimsfaraldur

Skortur á bílaleigubílum og hótelbergjum hafði neikvæð áhrif á afkomu Play síðastliðið sumar þar sem félagið fór á mis við tekjur af sölu flugmiða til þeirra sem ætluðu til Íslands með stuttum fyrirvara. Þetta kom fram í máli forstjóra Play sl. haust þegar sumarvertíðin var gerð upp. Forsvarsmenn bílaleiganna tóku hins vegar ekki undir þetta … Lesa meira

Mótmælin draga úr bókunum en þó ekki hjá Icelandair

Tugþúsundir Ísraela hafa mótmælt á götum úti síðustu vikur vegna áforma ríkisstjórnar Benjamíns Netanjahús um breytingar á dómskerfi landsins. Þar er meðal annars lagt til að ísraelska þingið fái heimild til að snúa dómum hæstaréttar með einföldum þingmeirihluta. Forseti hæstaréttar Ísrael segir áformin árás á lýðræði í landinu. Skráðu þig inn til að lesa Þessi … Lesa meira