Fljúga tómum breiðþotum milli Íslands og Japan

Líkt og síðustu þrjú ár mun flugfélagið Japan Airlines fljúga hingað til lands í september með japanska ferðamenn. Farnar verða þrjár ferðir frá Tókýó og ein frá Osaka og er þetta eina farþegaflugið á milli Japan og Íslands. Hingað til hafa forsvarsmenn japanska flugfélagsins ekki sóst eftir því að selja laus sæti til íslenskra farþega en á því átti að verða breyting í ár að sögn Hirofumi Otake, talsmanns Japan Airlines í Evrópu. Hann segir, í samtali við Túrista, að viðræður við íslenskar ferðaskrifstofu um sölu á farmiðum hafi hins vegar ekki skilað árangri og því verði breiðþotunum, sem rúma 300 farþega, flogið tómum heim úr fyrstu ferðunum frá bæði Tókýó og Osaka.

Til Japan á einum miða

Þeir sem vilja til Japan frá Íslandi verði því áfram að millilenda í Evrópu á leið sinni þangað. Og þar sem flugið austur kostar sitt er skynsamlegt að kaupa bæði flugið frá Íslandi og framhaldsflugið á einum miða því ef seinkun verður til þess að farþegar missa af tengifluginu þá eru þeir á eigin vegum ef miðarnir eru keyptir af sitthvorum aðila. Tvö af þeim erlendu flugfélögum sem fljúga hingað til lands allt árið um kring bjóða upp á flug áfram til Japan, það eru British Airways og SAS. Það fyrrnefnda hefur Íslandsflug í lok október frá London en skandinavíska flugfélagið flýgur hingað daglega frá Ósló.

Fleiri Japanir í ár

Það sem af er ári hafa ríflega átta þúsund japanskir farþegar innritað sig í flug á Keflavíkurflugvelli sem er aukning um 18 prósent frá sama tíma í fyrra samkvæmt talningu Ferðamálastofu. Í september, ár hvert, nær hins vegar ferðamannastraumurinn frá Japan hámarki vegna þessa beina flugs Japan Airlines. Í september í fyrra fóru til að mynda 2.117 Japanir um Flugstöð Leifs Eiríkssonar.
ERTU AÐ LEITA AÐ GISTINGU Í ÚTLÖNDUM?

Mótmælin draga úr bókunum en þó ekki hjá Icelandair

Tugþúsundir Ísraela hafa mótmælt á götum úti síðustu vikur vegna áforma ríkisstjórnar Benjamíns Netanjahús um breytingar á dómskerfi landsins. Þar er meðal annars lagt til að ísraelska þingið fái heimild til að snúa dómum hæstaréttar með einföldum þingmeirihluta. Forseti hæstaréttar Ísrael segir áformin árás á lýðræði í landinu. Skráðu þig inn til að lesa Þessi … Lesa meira

„Þurfum að meta upp á nýtt hvað sé vel heppnuð ferðaþjónusta“

Efnahags- og framfarastofnunin, OECD, hvetur til betri stýringar í ferðaþjónustu á komandi árum - á sama tíma og greinin þarf að leita nýrra leiða til að halda fyrri styrk og efnahagslegu mikilvægi. „Það verður að finna út úr því hvers konar ferðaþjónustu við viljum í löndum okkar," segir yfirmaður ferðamála hjá OECD.

Enn lokast þýskir flugvellir vegna verkfalla

Flugsamgöngur á meginlandinu raskast áfram vegna verkfallsaðgerða. Bæði í Frakklandi og Þýskalandi hefur ítrekað stöðvast flug eða tafist vegna verkfallsaðgerða á síðustu vikum og mánuðum. Nú beinast aðgerðir að flugvöllunum í München og í Frankfurt, þeim fjölfarnasta í Þýskalandi.

Áfram gríðarlegt tap hjá SAS

Stjórnendur skandinavíska flugfélagsins SAS hafa síðustu mánuði nýtt gjaldþrotavernd bandaríska dómstóla til að endurskipuleggja félagið. Þetta svokallaða Chapter-11 ferli krefst þess að SAS geri upp hvern einasta mánuð og niðurstaðan fyrir febrúar liggur nú fyrir. Og tapið nam 900 milljónum sænskra króna eða um 12 milljörðum íslenskra króna. Þetta er fjórðungi minna tap en í … Lesa meira

Fjórir frambjóðendur um þrjú sæti

Aðalfundur Samtaka ferðaþjónustunnar fer fram í Stykkishólmi á fimmtudaginn í næstu viku og þar verður kosið um þrjú sæti í aðalstjórn samtakanna. Fjögur framboð bárust og þar á meðal er frá Skarphéðni Berg Steinarssyni sem lét af embætti ferðamálastjóra um síðustu áramót. Skarphéðinn rekur ásamt konu sinni Sjávarborg, gistihús og kaffihús í Stykkishólmi. Rannveig Grétarsdóttir, … Lesa meira

„Slípum demantinn“

„Við verðum að taka umræðuna um aðgangsstýringu að vinsælustu ferðamannastöðum okkar - og ganga svo til verka," sagði Grímur Sæmundsen, forstjóri Bláa lónsins, á ráðstefnu í Hörpu um þjóðhagslegt mikilvægi ferðaþjónustunnar. Áhrifafólk í ferðaþjónustunni virðist almennt vilja forðast ástandið sem skapaðist fyrir heimsfaraldur.