Samfélagsmiðlar

Bílaleigubílar dýrastir á Íslandi

Það kostar nærri þrisvar sinnum meira að leigja bíl við komuna til Íslands en á flugvöllunum í Kaupmannahöfn og London. Hér má sjá meðalleiguverð á dag við sextán evrópskar flughafnir.

Það getur verið dýrt að hafa bíl til umráða í utanlandsferðinni. Jafnvel þó lítill tveggja dyra bíll sé látinn nægja því það er algengt að leiga á þess háttar ökutæki sé á bilinu þrjú til fjögur þúsund krónur á dag á bílaleigunum við helstu flugvelli Evrópu. Ferðamaður sem fær lítinn fólksbíl að láni á Keflavíkurflugvelli þarf hins vegar að greiða tæpar tíu þúsund krónur á dag eða þrefalt meira en gengur og gerist á meginlandinu samkvæmt verðkönnun Túrista. Hvergi annars staðar voru verðin jafn há en næst hæst er leigan við Gardermoen í Osló og því næst í Zurich. Báðar borgir skipa reglulega efstu sætin á listum yfir dýrustu borgir heims.

Mismunandi verð eftir mánuðum

Í könnuninni voru fundin lægstu verð á bifreiðum í minnsta flokki á bílaleigum við sextán evrópskar flugstöðvar í júní, júlí og ágúst og síðan reiknað út meðalverð. Í öllum tilvikum var ótakmarkaður akstur, fríar afbókanir og kaskótrygging innifalin í verðinu og oftast voru leigurnar með afgreiðslu inn í flugstöðvarbyggingum. Hér neðst má sjá hver leigan er eftir mánuðum en miklu munar á verðinu í júní í samanburði við júlí og ágúst.

Við leitina var notuð bókunarvél Rentalcars.com, samstarfsaðila Túrista og eins stærsta fyrirtækis heims á þessu sviði. Þess ber að geta að verðin sem bókunarvélin finnur eru oft talsvert lægri en þau sem bjóðast þegar farið er beint inn á heimasíður þekktustu bílaleiganna.

Meðalleiguverð á dag í sumar

Það er mun ódýrara að leigja bíl júní en í júlí og ágúst eins og sjá má á töflunni hér fyrir neðan.

Af flugvöllunum sextán sem kannaðir voru var verðmunurinn á milli mánaða er einna mestur á bílaleigum við Barcelona flugvöll. Svipaða sögu er að segja við Charles de Gaulle í París og Malpensa í Mílanó. Verðið helst þó nokkuð jafnt í Stokkhólmi og Zurich.

Hver þróunin verður næstu vikur er erfitt að segja og gengi krónunnar hefur líka sitt að segja en samkvæmt nýlegri könnun Túrista þá hefur leiguverðið í Alicante í júní lækkað frá því í vor.

Meðalverð bílaleiga á 16 flugvöllum ef bíll í ódýrasta flokki er leigður í 2 vikur.

 

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …