Samfélagsmiðlar

Hvað kostar flugið á EM í sumar?

em 2016

Eftir 277 daga verður flautað til leiks á Evrópumeistaramótinu í knattspyrnu í Frakklandi og fullvíst er að þá verða margir Íslendingar á franskri grundu. Eftir 277 daga verður flautað til leiks á Evrópumeistaramótinu í knattspyrnu í Frakklandi og fullvíst er að þá verða margir Íslendingar á franskri grundu. 
Það voru þrjú þúsund Íslendingar á vellinum í Amsterdam í síðustu viku þegar lið Íslands sigraði Hollendinga. Líklega stefna mun fleiri á leiki liðsins í lokakeppni Evrópumótsins næsta sumar. Opnunarleikur EM fer fram 10. júní þegar Frakkar leika sinn fyrsta leik en dagana 11. til 14. júní fara fram fyrstu leikirnar hjá hinum liðunum.

Flestar ferðir til Parísar

Það liggur hins vegar fyrst fyrir þann 12. desember í hvaða borgum íslenska liðið mun spila en leikir hvers riðils dreifast nokkuð um Frakkland. Frá Keflavíkurflugvelli er flogið nokkrum sinnum á dag til Parísar en einnig flýgur WOW vikulega til Lyon yfir sumarið og er þá upptalið áætlunarflugið milli Íslands og Frakklands. Þeir sem kjósa að fljúga beint til Parísar, dagana í kringum fyrstu leikina, komast þangað fyrir rúmlega átján þúsund krónur með Icelandair á meðan ódýrustu farmiðarnir hjá WOW kosta tæplega 28 til 33 þúsund. Farangursgjald uppá 3.999 krónur og 999 króna bókunargald bætist við hjá WOW. Það munar því töluverðu á fargjöldum þessara tveggja félaga til Parísar eins og sjá má hér fyrir neðan. Transavia flýgur einnig milli Íslands og Parísar en félagið hefur ekki hafið sölu á farmiðum fyrir næsta sumar.

Ódýrustu farmiðarnir til Parísar, aðra leið, 8. til 14. júní 2016.

 
DagsetningIcelandairWOW air
8. júní18.355 kr.27.899 kr. (32.897 kr. með farangri)
9. júní25.655 kr.27.899 kr. (32.897 kr. með farangri)
10. júní18.355 kr.29.899 kr. (34.897 kr. með farangri)
11. júní23.155 kr.32.899 kr. (37.897 kr. með farangri)
12. júní18.355 kr.32.899 kr. (37.897 kr. með farangri)
13. júní18.355 kr.29.899 kr. (34.897 kr. með farangri)
14. júní18.355 kr.27.899 kr. (32.897 kr. með farangri)

Fljúga í staðinn til Sviss eða Belgíu

En ef Ísland skyldi spila í Lyon eða Saint-Étienne er einfaldara að fljúga beint til Lyon með WOW eða fara með easyJet eða Icelandair til Genfar. Hvorki WOW né easyJet hafa hinsvegar hafið sölu á farmiðum til þessara borga en til Genfar má fljúga með Icelandair fyrir 23 til 43 þúsund aðra vikuna í júní. Ef íslenska liðið er hins vegar á dagskrá á leikvöngunum í Lille og Lens, í norðurhluta Frakklands, gæti verið best að fljúga til Brussel sem er í ca. 1,5 til 2 tíma fjarlægð. Icelandair flýgur til Brussel og í dag eru ódýrstu miðarnir, aðra leið, á 18.355 krónur. Verði liðið hins vegar mest í suðurhlutanum gæti flug til Barcelona verið ákjósanlegur kostur fyrir þá sem vilja sneiða hjá tengiflugi. Eins og gefur að skilja eru möguleikarnir á flugi til Frakklands á næsta ári nær óendanlegir en í flestum tilfellum þarf fólk að millilenda eða koma sér á leikstað með lest eða í bílaleigubíl frá nálægum flugvöllum.
SMELLTU TIL AÐ GERA VERÐASAMANBURÐ Á HÓTELUM OG BÍLALEIGUBÍLUM

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …