Samfélagsmiðlar

Skora til góðs við Hótel Sögu

saga fotbolti

Radisson Blu hótelin í Reykjavik halda mót í mennsku fótboltaspili til styrktar Krafti.  Radisson Blu hótelin í Reykjavik halda mót í mennsku fótboltaspili til styrktar Krafti. Gestir hótelanna geta líka lagt sitt að mörkum í morgunmatnum.
Laugardaginn 12. september munu samstarfsaðilar Radisson Blu hótelanna etja þar kappi í mennsku fótboltaspili eins og það er kallað. Öll lið greiða þátttökugjald og rennur ágóðinn óskiptur til Krafts. Mótið verður haldið fyrir framan innganginn við Súlnasal Hótel Sögu milli klukkan 11 og 14. Á síðasta ári héldu hótelin samskonar mót og þá tóku tíu lið þátt.
Samkvæmt tilkynningu er þetta fjórtánda árið í röð sem Carlson Rezidor hótelkeðjan, móðurfélag Radisson Blu, efnir til samfélagsátaks í september og sameinast hótelin, innan keðjunnar, um allan heim til þess að láta gott af sér leiða. Starfsfólk og gestir, ásamt almenningi, geta tekið þátt í að safna fé til styrktar World Childhood Foundation eða styðja við bakið á innlendum málstað eða aðila.
Ásamt því að halda mót í mennsku fótboltaspili þá taka hótelin einnig þátt í söfnun fyrir World Childhood Foundation, sem kallast: Super Breakfast for Super Children. Þar býðst öllum gestum hótelanna, í september, að kaupa auka morgunmat og rennur andvirðið í söfnunina og ágóðinn mun fara til þurfandi barna í Úkraínu og Suður Afríku að því segir í tilkynningu.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …