Fer WOW air til Toronto og Montreal?

Á næsta ári munu bæði Icelandair og WOW air hefja áætlunarflug til Montreal. Félögin eru líka sögð ætla að keppa um hylli farþega á leið til og frá fjölmennustu borg Kanada. Á næsta ári munu bæði Icelandair og WOW air hefja áætlunarflug til Montreal. Félögin eru líka sögð ætla að keppa um hylli farþega á leið til og frá fjölmennustu borg Kanada á næsta ári.
Í vor staðfestu forsvarsmenn Icelandair orðróm um að félagið setti stefnuna á áætlunarflug til hinnar frönskumælandi Montreal í Kanada. Nokkrum vikum síðar hafði Mbl.is það eftir Skúla Mogensen, forstjóra WOW, að íslenska lággjaldaflugfélagið ætlaði einnig til borgarinnar. Nýverið hóf Icelandair svo sölu á farmiðum til Montreal en WOW air hefur ekki kynnt áætlunarferðir sínar til borgarinnar. En samkvæmt frétt dönsku flugfréttasíðunnar Check-in í dag þá mun WOW air hefja flug til Montreal 12. maí á næsta ári, viku áður en Icelandair fer jómfrúarferð sína til borgarinnar. Bæði félög munu fljúga fjórum sinnum í viku til Montreal.

Taka líka slaginn í Toronto

Það verður þó ekki aðeins í flugi milli Íslands og Montreal sem íslensku félögin tvö munu keppa um hylli farþega því í fyrrnefndri frétt Check-in kemur fram að WOW air ætli að veita Icelandair samkeppni í flugi milli Toronto og Íslands frá og með 19. maí og fljúga þangað fjórum sinnum í viku. Skúli Mogensen, forstjóri WOW air, vildi ekki tjá sig um þessa frétt danska vefmiðilsins við Túrista nú í morgun. Icelandair hóf að fljúga til fjölmennustu borgar Kanada, Toronto, fyrir sjö árum síðan og hefur verið eitt um þá flugleið og allt flug milli Íslands og Kanada því ekkert kanadískt flugfélag hefur boðið upp á áætlunarferðir hingað.
Ef að líkum lætur þá mun Icelandair fljúga allt að 22 ferðir í viku til Kanada á næsta ári sem er þrefalt meira framboð en félagið bauð upp á fyrir þremur árum síðan. Ferðir WOW verða átta talsins samkvæmt frétt Checkin.
HÉR GETURÐU GERT VERÐSAMANBURÐ Á HÓTELUM OG BÍLALEIGUBÍLUM

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.

Vanguard á lista yfir stærstu hluthafa Icelandair

Bandarískir sjóðir halda áfram að auka hlut sinn í Icelandair því samkvæmt nýjum hluthafa lista þá hefur bandaríska sjóðastýringafyrirtækið Vanguard eignast 0,89 prósent hlut í Icelandair. Flugfélagið bætist þar með í hóp fjölda skráðra íslenskra fyrirtækja sem Vanguard hefur fjárfest í undanfarin misseri. Um leið eykst vægi erlendra fjárfesta í eigendahópi Icelandair en líkt og … Lesa meira