Samfélagsmiðlar

Framboð á flugi til Kanada margfaldast

toronto b

Næsta sumar verða í boði þrjátíu áætlunarferðir í viku til fimm kanadískra borga. Sendiherra Kanada á Íslandi fagnar þessum auknum samgöngum milli landanna tveggja. Næsta sumar verða í boði þrjátíu áætlunarferðir í viku til fimm kanadískra borga. Sendiherra Kanada á Íslandi fagnar þessum auknum samgöngum milli landanna tveggja. Stærsta flugfélagið í Kanada tekur hins vegar ekki stefnuna á Ísland.
Í dag tilkynntu forsvarsmenn WOW formlega að félagið myndi hefja áætlunarflug til Montreal og Toronto á næsta ári en fréttir af þessum áformum spurðust út í síðasta mánuði. Í boði verða fjórar ferðir í viku allt árið um kring til borganna tveggja en Icelandair hefur um árabil flogið til Toronto og mun fara í jómfrúarferð sína til Montreal í maí líkt og WOW.  

Fimm kanadískar borgir á dagskrá

Fyrir átta árum síðan hóf Icelandair á ný áætlunarflug til Kanada og þá aðeins til Halifax í Nova Scotia. Ári síðar fór félagið jómfrúarferð sína til Toronto, fjölmennustu borgar landins, en fleiri kanadískir áfangastaðir bættust ekki við leiðakerfi Icelandair næstu árin þar á eftir. Í nóvember árið 2013 var hömlum á flugi milli Íslands og Kanada hins vegar aflétt og strax í framhaldinu var boðið upp á vetrarflug til Toronto og vorið eftir bættist við áætlunarflug til Edmonton og Vancouver í vesturhluta Kanada. Í sumar hefur Icelandair samtals flogið 18 ferðir í viku til Kanada en nú þegar bæði félög bæta Montreal við leiðakerfi sitt og WOW fer einnig til Toronto verða ferðirnar alla vega þrjátíu í viku næsta sumar. Til samanburðar má nefna að sumarið 2013 flaug Icelandair sjö sinnum í viku til Kanada.

Ný tækifæri með bættum samgöngum

Stewart Wheeler, sendiherra Kanada, hér á landi fagnar þessari gífurlegu aukningu á beinu flugi milli Íslands og Kanada. „Með auknum samgöngum skapast kjörið tækifæri fyrir eflingu tengsla milli Kanadabúa og Íslendinga og opnar möguleika á nýjum tengingum og samstarfi milli fólks, fyrirtækja, háskóla og annara stofnana,“ segir Wheeler í svari til Túrista um þessa auknu áherslu íslensku flugfélaganna á áætlunarferðir til kanadískra borga.

WOW stórtækara í Montreal

Eins og áður segir þá munu bæði Icelandair og WOW air fara sínu fyrstu áætlunarferðir til Montreal í maí á næsta ári. Icelandair ætlar hins vegar aðeins að halda fluginu út fram á haustið á meðan WOW air mun starfrækja flugleiðina allt árið um kring. Forsvarsmenn Air Canada, stærsta flugfélags Kanada, áforma hins vegar ekki að etja kappi við íslensku félögin á sínum heimavelli. Í svari talsmanns Air Canada í Evrópu segir að flugfélagið fylgist stöðugt með eftirspurn á hverjum markaði fyrir sig og skoði möguleika á opnun nýrra flugleiða en ekkert þess háttar sé þó í bígerð á þessari stundu.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …