Samfélagsmiðlar

Eitt stærsta hótelfélag í heimi leitar áfram tækifæra á Íslandi

reykjavik vetur

Lengi vel var útlit fyrir að hótelið við Hörpu yrði hluti af W-hótelkeðjunni en svo varð ekki. Forsvarsmenn hótelkeðjunnar leita því nýrra tækifæra hér á landi. Lengi vel var útlit fyrir að hótelið við Hörpu yrði hluti af W-hótelkeðjunni en svo varð ekki. Forsvarsmenn hótelkeðjunnar leita því nýrra tækifæra hér á landi.
Í lok sumars var tilkynnt að fimm stjörnu hótelið sem reisa á við Hörpuna verður rekið undir merkjum Marriott Edition. Áður hafði komið fram í fjölmiðlum að fjárfestahópurinn sem stendur að verkefninu átti einnig í viðræðum við forsvarsmenn W-hótelanna. Sú hótelkeðja er í eigu fyrirtækisins Starwood sem er eitt stærsta hótelfélag í heimi en það á og rekur nokkrar alþjóðlegar hótelkeðjur, þar á meðal Sheraton og Westin. Þrátt fyrir að samningar hafi ekki náðst milli Starwood og aðstandenda byggingarinnar við Hörpu þá er ekki útilokað að þetta bandaríska fyrirtæki hasli sér völl á Íslandi í nánustu framtíð. „Við erum svo sannarlega áhugasöm um að finna tækifæri á íslenska markaðnum,“ segir Nicola McShane-Bau, upplýsingafulltrúa fyrirtækisins, aðspurð um hug fyrirtækisins á að hefja starfsemi hér á landi. „Starwood fylgist náið með þróuninni á helstu mörkuðum Evrópu og kannar möguleikana fyrir þau tíu vörumerki sem tilheyra fyrirtækinu. Þó við séum bjartsýn á að Ísland verði einn þeirra markaða sem við munum vaxa á í framtíðinni þá höfum við á þessari stundu engar nánari upplýsingar um næstu skref.“

Hröð uppbygging framundan

Nýting hótelherbergja í Reykjavík var 84 prósent á síðasta ári sem er með því mesta í Evrópu samkvæmt úttekt Arion banka. Nýtingin er há þrátt fyrir að framboð á gistirými í höfuðborginni hafi aukist umtalsvert síðustu misseri. Næstu árin mun hótelherbergjum í Reykjavík svo fjölga ennþá meira því nú er unnið að byggingu hótela á nokkrum stöðum í miðborginni og í vikunni voru kynnt áform um að reisa stærsta hótel landsins við Öskjuhlíð. 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …