Samfélagsmiðlar

Stærsta flugfélag Spánar til Íslands næsta sumar

iberia express madrid

Áætlunarflug milli Íslands og Madrídar hefur hingað til takmarkast við vikulegar ferðir yfir hásumarið en á því verður mikil breyting á næsta ári. Áætlunarflug milli Íslands og Madrídar hefur hingað til takmarkast við vikulegar ferðir yfir hásumarið en á því verður mikil breyting á næsta ári.
Þrátt fyrir að Spánn hafi um langt skeið verið einn allra vinsælasti áfangastaður íslenskra farþega þá hefur framboð á flugi héðan til höfuðborgar landsins verið af skornum skammti. Eingöngu Icelandair hefur boðið upp á áætlunarferðir þangað en þó aðeins eina ferð í viku frá lokum júní og fram til sumarloka. Næsta sumar geta þeir sem setja stefnuna á Madríd hins vegar valið úr fleiri ferðum því forsvarsmenn Iberia, stærsta flugfélags Spánar, hafa ákveðið að hefja flug hingað til lands næsta sumar. Vélar Iberia munu fljúga hingað tvisvar sinnum í viku frá miðjum júní og fram í miðjan september.
Þetta verður í fyrsta skipti sem Iberia, stærsta flugfélag Spánar, býður upp á flug til Íslands og geta farþegar hér á landi bókað flug áfram til fjölda áfangastaða Iberia um heim allan en félagið mun vera það umsvifamesta í flugi milli Evrópu og S-Ameríku. 

Töluverður verðmunur á lægstu fargjöldum

Ódýrustu farmiðarnir með Iberia, báðar leiðir, kosta um 28 þúsund krónur samkvæmt athugun Túrista en farið hækkar um tæpar 10 þúsund krónur ef ferðast er með farangur. Til samanburðar kostar farmiði meðIcelandair til Madrídar að lágmarki 47.915 krónur en félagið mun fjölga ferðum sínum til borgarinnar næsta sumar og fljúga þangað tvisvar í viku. Það verður því flogið samtals fjórum sinnum í viku til Madrídar frá Keflavíkurflugvelli næsta sumar sem er fjörfalt meira framboð en síðastliðið sumar.

Ein stærsta flugfélagasamsteypa Evrópu eykur umsvifin á Íslandi

Samkvæmt upplýsingum Túrista frá Iberia verða sæti fyrir 171 farþega í vélunum sem nýttar verða í flugið hingað til lands en það verður starfrækt af dótturfélagi Iberia, Iberia Express. Með Íslandsflugi Iberia hafa þrjú af þeim fjórum flugfélögum sem tilheyra samsteypunni In­ternati­onal Air­lines Group bætt Íslandi við leiðakerfi sín. British Airways er stærsta flugfélagið innan IAG og það félag fer fyrstu ferð sína hingað frá London Heathrow á sunnudaginn en þriðja félagið, Vueling, hefur síðustu ár boðið upp á áætlunarferðir hingað frá Barcelona og Róm. IAG tók nýlega yfir írska flugfélagið Air Lingus en ennþá býður það félag ekki upp á flug til Íslands. 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …