Samfélagsmiðlar

easyJet dregur sig í hlé og WOW tekur við

easyjet wow

WOW air mun fljúga til bresku borgarinnar Bristol frá og með vorinu. Hingað til hefur easyJet boðið upp á ferðir þangað allt árið en félagið gerir breytingar á næsta ári. WOW air mun fljúga til bresku borgarinnar Bristol frá og með vorinu. Hingað til hefur easyJet boðið upp á ferðir þangað allt árið en félagið gerir breytingar á næsta ári.
Í byrjun sumars hefst áætlunarflug WOW air til Bristol eins og kynnt var í gær. Félagið áformar að fljúga milli Íslands og bresku borgarinnar þrisvar sinnum í viku allt árið um kring líkt og easyJet hefur gert í nærri tvö ár. Forsvarsmenn breska lággjaldaflugfélagsins hafa hins vegar ákveðið að gera hlé á fluginu milli Íslands og Bristol frá og með apríl nk. Eleanor Gillingham, upplýsingafulltrúi easyJet, segir að flugleiðin verði hins vegar aftur í boði næsta vetur. WOW air mun því aðeins sitja eitt að flugleiðinni næsta sumar.

Tíund fleiri ferðir

Áður en easyJet hóf að fljúga hingað frá Bristol í desember árið 2013 var ekkert áætlunarflug í boði héðan til borgarinnar. Til að byrja voru farnar tvær ferðir í viku en þeim fjölgaði svo um eina og fyrstu tíu mánuði þessa árs hafa vélar easyJet farið 103 ferðir frá Keflavíkurflugvelli til Bristol samkvæmt talningu Túrista. Það er aukning um tíund frá sama tíma í fyrra. 

Farþegafjöldinn stóð í stað í sumar

Farþegum á þessari flugleið fjölgaði hins vegar um fjórðung fyrstu átta mánuði ársins samkvæmt upplýsingum frá flugmálastofnun Bretlands en tölur fyrir september og október liggja ekki fyrir. Alls nýttu tæplega 26 þúsund farþegar sér áætlunarflugið á tímbilinu janúar til ágúst en hafa ber í huga að hver farþegi er talinn tvisvar, á leiðinni út og tilbaka. Það er því hægt að segja að um 13 þúsund einstaklingar hafi farið á milli Bristol og Keflavíkurflugvallar fyrstu átta mánuði ársins. Farþegaaukningin í ár átti sér hins vegar öll stað á fyrstu fjórum mánuðum ársins eins og sjá má á súluritinu hér fyrir neðan. Síðastliðið sumar stóð farþegafjöldinn nærri því í stað og það kann að skýra ákvörðun stjórnenda easyJet að leggja niður flugleiðina frá vori og fram á haust. Forsvarsmenn WOW air fá því upp í hendurnar Íslandsferðamarkaðinn í Bristol og sitja að honum einir fram í lok október þegar easyJet byrjar áætlunarflug sitt þaðan til Keflavíkurflugvallar á ný. 

Ekki nóg að selja 8 af hverjum tíu sætum

Miðað við fjölda ferða og farþega þá hafa að jafnaði 151,4 farþegar verið um borð í hverri ferð easyJet milli Bristol og Íslands fyrstu átta mánuði ársins. Í Airbus þotum easyJet eru sæti fyrir annars vegar 156 farþega og hinsvegar 180. Um þessar mundir eru stærri vélarnar nýttar í flugið og sætanýtingin því um 83 prósent að jafnaði. Það virðist hins vegar ekki vera nóg til að halda flugleiðinni opinni allt árið en síðastliðna tólf mánuði hefur sætanýtingin hjá easyJet verið að jafnaði 91,5 prósent.

Ólíkir farþegahópar

Fyrir forsvarsmenn ferðaþjónustunnar hér á landi kann það að vera áhyggjuefni að þriðja umsvifamesta flugfélagið á Keflavíkurflugvelli leggi niður flugleið sem svo margir farþegar nýta sér. Líklega nær eingöngu erlendir ferðamenn því easyJet hefur ekki kynnt flugleiðir sínar hér á landi að nokkru ráði. Hvort WOW air nái að fylla skarð easyJet kemur í ljós á næsta ári en hluti af farþegum íslenska félagsins millilendir aðeins á Keflavíkurflugvelli á leið sinni yfir hafið á meðan þeir útlendingar sem fljúga hingað með easyJet dvelja hér á landi í einhvern tíma.

Nýtt efni

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …