Samfélagsmiðlar

Eyðsla flugflota Icelandair í meðallagi

flugvel john cobb

Flugsamgöngur eru mengandi og til að draga úr losun er mikilvægt að flugfélög notist við nýlegar þotur að því segir í nýrri samantekt á eldsneytisnotkun flugfélaga. Flugsamgöngur eru mengandi og til að draga úr losun er mikilvægt að flugfélög notist við nýlegar þotur að því segir í nýrri samantekt á eldsneytisnotkun flugfélaga. Farþegarnir sem sitja fremst menga mest.
Farþegaþota sem flýgur fram og tilbaka yfir Atlantshafið losar um eitt tonn af gróðurhúsalofttegundum á hvern farþega um borð. Það er álíka útblástur og frá eyðslugrönnum Toyota Prius bíl sem er ekið er að jafnaði 35 kílómetra á dag í eitt ár. Þetta kemur fram í nýrri rannsókn International Council on Clean Transportation (ICCT) þar sem borin var saman eldsneytisnotkun tuttugu flugfélaga sem bjóða upp á áætlunarferðir milli Evrópu og N-Ameríku.

Nýjar vélar menga minna

Það er norska lággjaldaflugfélagið Norwegian sem er með sparneyttustu flugflotann samkvæmt samanburði ICCT og komast vélar félagsins um 40 farþegakílómetra á hvern lítra. Helsta ástæðan fyrir minni eldsneytisnotkun hjá Norwegian er sú að félagið notast við nýjar Boeing Dreamliner þotur í flug sitt milli heimsálfa en nýjar vélar eru lykillinn að minni losun samkvæmt skýrslu ICCT. Flugfloti Icelandair er hins vegar kominn til ára sinna en þrátt fyrir það þá komast þotur íslenska félagsins 32 farþegakílómetra á lítranum sem er nákvæmlega meðaleyðsla þeirra flugfélaga sem fljúga yfir hafið. Boeing MAX þoturnar sem Icelandair fær afhentar á árunum 2018 til 2021 munu verða um fimmtungi sparneyttari en núverandi Boeing 737 vélar sem félagið notast við.
WOW air var ekki með í úttekt ICCT þar sem í henni var unnið út frá flugáætlun síðasta árs en WOW hóf Ameríkuflug sitt sl. vor.

Farþegar í dýrari sætum losa mest

Sjöunda hvert flugsæti sem í boði er, í vélunum sem fljúga yfir hafið, er á dýrari farrýmunum fremst í vélinni. Þar er fótaplássið oftast meira og sætin breiðari og því komast færri farþegar þar fyrir. Þeir sem sitja þarna standa hins vegar fyrir um þriðjungi af allri losun flugvélanna samkvæmt skýrslu ICCT. Í fullri 200 manna þotu, þar sem 28 sæti eru á fremsta farrými, skrifast um 0,4 prósent losunarinnar á farþega í aftari röðunum en um 1,2 prósent á þá sem sitja fremst. Munurinn er þrefaldur.
Sparneyttustu flugfélögin í flugi milli Evrópu og N-Ameríku samkvæmt ICCT
1. Norwegian: 40 farþegakílómetrar per lítra.
2. Airberlin: 35 farþegakílómetrar per lítra.
3. Aer Lingus: 34 farþegakílómetrar per lítra.
4. KLM: 33 farþegakílómetrar per lítra.
4. Air Canada: 33 farþegakílómetrar per lítra.
4. Aeroflot: 33 farþegakílómetrar per lítra.
4. Turkish Airlines: 33 farþegakílómetrar per lítra.
4. Air France: 33 farþegakílómetrar per lítra.
9. Icelandair: 32 farþegakílómetrar per lítra.
9. Delta: 32 farþegakílómetrar per lítra.
11. Iberia: 31 farþegakílómetrar per lítra.
11. American: 31 farþegakílómetrar per lítra.
11. Alitalia: 31 farþegakílómetrar per lítra.
14. United: 30 farþegakílómetrar per lítra.
15. US airways: 29 farþegakílómetrar per lítra.
15. Virgin Atlantic: 29 farþegakílómetrar per lítra.
15. Swiss: 29 farþegakílómetrar per lítra.
18. Lufthansa: 28 farþegakílómetrar per lítra.
18. SAS: 28 farþegakílómetrar per lítra.
20. British Airways: 27 farþegakílómetrar per lítra.
TENGDAR GREINAR: FYRSTA MAX ÞOTAN KOMIN Á FÆRIBANDIÐ

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …