Samfélagsmiðlar

Akureyrarflug enn á dagskrá þrátt fyrir gjaldþrot

akureyri egilsstadir

Flugvél á vegum Estonian Air átti að sjá um ferðir milli Kaupmannahafnar og Akureyrar næsta sumar. Eistneska flugfélagið hefur hins vegar hætt starfsemi en áætlunarflugið er engu að síður ennþá í vinnslu. Flugvél á vegum Estonian Air átti að sjá um ferðir milli Kaupmannahafnar og Akureyrar næsta sumar. Eistneska flugfélagið hefur hins vegar hætt starfsemi en áætlunarflugið er engu að síður ennþá í vinnslu.
Forsvarsmenn ferðaskrifstofunnar Transatlantic hafa undanfarið unnið að því að skipuleggja reglulegt áætlunarflug milli Akureyrar og Kaupmannahafnar næsta sumar. Í flugið stóð til að nota vél á vegum Estonian Air. Það félag hætti hins vegar starfsemi fyrr í mánuðinum eftir að framkvæmdastjórn Evrópusambandsins komst að þeirri niðurstöðu að styrkir eistneska ríkisisins til þjóðarflugfélagsins væru ólöglegir. Estonian Air átti að greiða til baka, sem samsvarar, um 12 milljörðum króna auk vaxta en það reyndist félaginu of stór biti. Að sögn Ómars R. Banine, hjá Transatlantic, þá standa núna yfir samningaviðræður við fyrirtækið sem hefur tekið við rekstri Estonian Air og ætti niðurstaða viðræðnanna að liggja fyrir mjög fljótlega. Nýja félagið heitir Nordic Aviation Group og er jafnframt í eigu eistneska ríkisins.

Ríkisstyrkir í pípunum

Líkt og Túristi greindi frá þá er ætlunin að nýja áætlunarflugið verði í boði einu sinni í viku frá lokum maí og út september og verða sæti fyrir 84 farþega í hverri ferð. Millilandaflug frá Akureyri hefur síðustu ár nær takmarkast við leiguflug á vegum innlendra ferðaskrifstofa til sólarlanda en Iceland Express bauð upp á áætlunarferðir þaðan til Kaupmannahafnar á sínum tíma. Þáverandi forstjóri Iceland Express, Matthías Imsland, fór fyrir stýrihópi forsætisráðuneytisins sem fyrr í þessum mánuði lagði til að millilandaflug frá Akureyri og Egilsstöðum yrði eflt með ríkisstyrkjum upp á 900 milljónir yfir þriggja ára tímabil.
Forsvarsmenn bresku ferðaskrifstofunnar Discover the World hafa nú þegar tilkynnt um áætlunarflug milli Egilsstaða og London frá næsta vori og fram á haust. 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …