Samfélagsmiðlar

Fagna vesturstrandarflugi WOW air

sanfrancisco losangeles flug

Forsvarsmenn Keflavíkurflugvallar og flughafnanna við San Francisco og Los Angeles eru ánægðir með ákvörðun WOW air að hefja flug til vesturstrandar Bandaríkjanna. Í gær tilkynnti WOW air að félagið ætli hefja áætlunarflug til Los Angeles og San Francisco á næsta ári en beint flug héðan til þessara borga er ekki á boðstólum í dag. Forsvarsmenn Keflavíkurflugvallar og bandarísku flughafnanna eru lukkulegir með nýju flugleiðirnar.
„Við erum mjög ánægð með að viðræður okkar við WOW air hafi leitt til þess að þau hefji nú flug  til Los Angeles flugvallar. Þetta verður okkar fyrsta beina tenging við Ísland og WOW air er jafnframt annað evrópska lággjaldaflugfélagið sem hingað flýgur (Norwegian flýgur til Los Angeles, innsk. blm.),“ segir Nancy Suey Castles, talskona Los Angeles World Airports, í svari til Túrista. Castles segir Los Angeles vera mjög sterkan markað vegna allra þeirra flugleiða sem þar eru í boði á vegum fjöldamargra flugfélaga.

San Francisco á kortið á ný

Í maí árið 2005 fór Icelandair jómfrúarferð sína til San Francisco og bauð upp á flug þangað nokkur sumur. Forsvarsmenn WOW ætla sér hins vegar að fljúga þangað allt árið um kring og Doug Yakel, talsmaður San Francisco flugvallar, er ánægður með þá ákvörðun. „Við erum spennt fyrir því að taka á móti þessu nýja flugi WOW air milli San Francisco og Reykjavíkur. Þetta gerir viðskiptavinum okkar kleift að fljúga til nýs áfangastaðar á samkeppnishæfu verði.“

Stærri flugvélar henta Flugstöð Leifs Eiríkssonar vel

„Við hjá Isavia fögnum þessum nýju flugleiðum sem eru frábær viðbót í leiðakerfið á Keflavíkurflugvelli og mjög ánægjulegt að sjá aukna samkeppni og fleiri áfangastaði til Norður-Ameríku. Þarna er kominn nýr valkostur fyrir íbúa Kaliforníu á leið til Íslands í beinu flugi og áfram til Evrópu og þá er þetta ný leið fyrir Evrópubúa til að ferðast til Los Angeles og San Fransisco auk þess sem þetta bætir auðvitað tveimur frábærum áfangastöðum inn á kortið fyrir Íslendinga,“ segir Guðni Sigurðsson, upplýsingafulltrúi Isavia, aðspurður um þýðingu þess að WOW air hefji flug til vesturstrandar Bandaríkjanna. Hann bætir því við að það sé einnig ánægjulegt að WOW ætli að taka í notkun nýjar og stærri flugvélar því þær framkvæmdir sem nú standa yfir við Keflavíkurflugvöll geri m.a. ráð fyrir að farangursflokkunarsalurinn ráði við að afgreiða breiðþotur af þessari stærð. „Þróunaráætlun Keflavíkurflugvallar, sem við kynntum fyrr í haust, gerir ráð fyrir enn frekar stækkun í takt við farþegafjölgun og fellur hún vel að stórhuga áætlunum flugfélaganna sem fljúga frá Keflavíkurflugvelli.“
SMELLTU TIL AÐ SKOÐA HANDVALIN HÓTEL Í LOS ANGELES OG SAN FRANCISCO

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …