Samfélagsmiðlar

Vilja fimm þúsund Íslendingar til Kanaríeyja í hverjum mánuði?

tenerife stor

Með auknu flugi WOW air til Las Palmas og Tenerife tvöfaldast framboð fram á ferðum þangað. „Eitthvað mun undan láta”, segir einn viðmælanda Túrista.
Frá því mars síðastliðnum hefur 200 sæta þota á vegum WOW air flogið alla laugardaga til Tenerife og eftir áramót bætast við þriðjudagsferðir þangað á vegum flugfélagsins. Þar með verða vikulega í boði um 750 sæti í flugvélunum sem fara héðan til Tenerife og þar af eru fjögur hundruð á vegum WOW air. Ferðaskrifstofa Íslands, Heimsferðir og Vita sameinast svo um tvær vélar í viku til Tenerife sem er stærst Kanaríeyjanna. Áður en WOW hóf að fljúga þangað sátu þessar þrjár stærstu ferðaskrifstofur landsins einar að sölu ferða til þessa vinsælla áfangastaðar. Gaman ferðir, dótturfélag WOW air, býður nú einnig upp á pakkaferðir til eyjunnar.

Taka líka að taka slaginn á Kanarí

Viðtökurnar við Tenerifeflugi WOW air hafa verið mjög góðar að sögn Svanhvítar Friðriksdóttur upplýsingafulltrúa WOW air og því hefur félagið ákveðið að hefja einnig áætlunarflug til Las Palmas á Kanarí (Gran Canaria) í febrúar. Um þessar myndir fljúga þangað tvær þotur í viku með farþega ferðaskrifstofanna þriggja en með tilkomu WOW air mun framboð á ferðum til Las Palmas aukast um helming. Þá verður hægt að fljúga þangað með 550 farþega í hverri viku. Heimildarmenn Túrista eru sammála um að áætlunarflug WOW til Tenerife og nú Kanarí komi sér illa fyrir ferðaskrifstofurnar enda ólíklega markaður hér á landi fyrir svona margar ferðir.  Vélarnar eru líka nær eingöngu skipaðar íslenskum ferðalöngum þar sem hingað til hefur eftirspurn eftir Íslandsferðum meðal íbúa Kanaríeyja ekki verið nein. „Eitthvað mun undan láta því markaðurinn fyrir Kanaríferðir hefur ekki stækkað svona mikið frá því í fyrra”, segir einn viðmælanda Túrista innan ferðageirans um þá staðreynd að eftir áramót verður vikulega hægt að ferja um 1300 Íslendinga í viku til Kanaríeyja sem er um tvöfalt meira framboð á flugsætum en á sama tíma í fyrra.

Tímasetning vekur athygli

Það vekur einnig athygli þeirra sem til þekkja að WOW air hefur áætlunarflug til Las Palmas um miðjan febrúar þegar eftirspurn eftir ferðum þangað er í minna í lagi. Stór hluti þeirra Íslendinga sem ferðast til Kanarí fer nefnilega þangað strax eftir áramót og dvelur í fjórar til tólf vikur. „Hingað til hefur ekki verið eins auðvelt að selja ferðir þangað í febrúar”, segir Þórunn Reynisdóttir, framkvæmdastjóri Ferðaskrifstofu Íslands, aðspurð um flug WOW til Kanarí. Hún segist þó fagna auknu flugi en segir framboðið verða í meira lagi með tilkomu flugfélagsins. Þórunn útilokar hins vegar ekki að kaupa sæti í vélum WOW en í dag fljúga farþegar Ferðaskrifstofu Íslands til Kanarí og Tenerife í leiguflugi Icelandair og Primera Air. „Við erum sérfræðingar í að pakka saman flugi og hótelum”, bætir Þórunn við og segir ferðaskrifstofuna nýta sér allt flug til og frá landinu fyrir farþega sína.

Pakkaferðir eða aðeins flug?

Sala á farmiðum með WOW air til Las Palmas hófst í vikunni og í dag er hægt að fá flug hjá félaginu, báðar leiðir með farangri, á tæpar sextíu þúsund krónur í febrúar og fram á vorið. Til samanburðar kostar flugið, eitt og sér, rétt rúmlega hundrað þúsund hjá Ferðaskrifstofu Íslands og Vita. Samanburður á verði flugfélaga og ferðaskrifstofa er hins vegar ekki einfaldur því ferðaskrifstofurnar leggja meginárherslu á pakkaferðir þar sem flug, hótel og fararstjórn er innifalin. Tómas J. Gestsson, framkvæmdastjóri Heimsferða, dregur þó ekki dul á að þessi viðbót í flugi til Kanaríeyja geti haft áhrif á verðið. „Við mætum samkeppni eins og við höfum ávallt gert með því að bjóða hagstæð verð,” segir hann í svari til Túrista.

Skortur á gistingu á Kanaríeyjum í kortunum

Íslendingar eru ekki einir um að fjölmenna til Kanaríeyja yfir vetrarmánuðina því ferðir þangað njóta einnig mikilla vinsælda meðal frændþjóðanna. Þar hafa sólarlandaferðir til Egyptalands einnig selst vel yfir köldustu mánuðina en vegna ótryggs ástands þar í landi síðustu ár hefur eftirspurnin eftir ferðum til spænska eyjaklasans aukist. Nú hafa bresk og rússnesk stjórnvöld ráðlagt þegnum sínum að halda sig fjarri Egyptalandi og það gæti haft þau áhrif að skortur verði á lausum hótelherbergjum á Kanarí og Tenerife í vetur. Þeir sem kaupa sér aðeins flugmiða til eyjanna á næstunni ættu því að huga að gistingu um leið.
SMELLTU HÉR TIL AÐ GERA VERÐSAMANBURÐ Á HÓTELUM Á KANARÍ OG TENERIFE

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …