Samfélagsmiðlar

Ekkert verður úr Íslandsflugi frá Prag í sumar

czech airlines

Forsvarsmenn stærsta flugfélags Tékklands hafa hætt við að hefja flug til Íslands á næsta ári. Áfram verður því ekki hægt að fljúga beint héðan til Prag Forsvarsmenn stærsta flugfélags Tékklands hafa hætt við að hefja flug til Íslands á næsta ári. Áfram verður því ekki hægt að fljúga beint héðan til Prag.
Þrátt fyrir að Prag hafi lengi ein vinsælasta ferðamannaborg Evrópu hefur áætlunarflug þangað frá Íslandi verið lítið sem ekkert. Á því átti að verða breyting í sumar því þann sextánda júní næstkomandi stóð til að tékkneska flugfélagið Czech Airlines færi jómfrúarferð sína til Íslands og myndi í framhaldinu bjóða upp á tvær ferðir í viku fram í miðjan september líkt og Túristi greindi frá. Ekkert verður hins vegar af þessum áformum að sögn Daniel Šabík, talsmanns Czech Airlines. Í svari til Túrista segir hann ástæðuna fyrir þessu vera rekstrarlega án þess að skýra það nánar. Alls hefðu verið sæti fyrir um 4 þúsund farþega í vélum Czech Airlines frá Prag til Íslands í sumar.

Fékk góðar viðtökur í tékkneska ferðageiranum

Þegar markaðsfólk Czech Airlines kynnti nýju flugleiðina til Íslands fyrir tékkneskum ferðafrömuðum fékk hún góðar undirtektir en það var hins vegar ekki nóg til þess að félagið héldi sig við upphaflega áætlun sína. Þessar breytingar eru slæm tíðindi fyrir íslensku ferðaþjónustuna og sérstaklega utan höfuðborgarsvæðisins því tékkneskir ferðamenn hér á landi eru mun líklegri til að gista út á landi en aðrir ferðamenn.  Það mun hins vegar ekki vera útlokað að Czech Airlines hefji Íslandsflug á þarnæsta ári.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …