Samfélagsmiðlar

Leggja lokahönd á útboð á flugmiðum stjórnarráðsins

flugtak 860 a

Síðustu mánuði hefur staðið yfir undirbúningur á útboði á farmiðakaupum allra íslenskra ráðuneyta. WOW gæti orðið eina lággjaldaflugið sem skilar inn tilboði. Síðustu mánuði hefur staðið yfir undirbúningur á útboði á farmiðakaupum allra íslenskra ráðuneyta. WOW gæti orðið eina lággjaldaflugið sem skilar inn tilboði.
Nú eru nærri fimm ár liðin frá því að hið opinbera leitaði síðast tilboða í kaup sín á flugsætum fyrir ríkisstarfsmenn. Unnið hefur verið að nýju útboði frá því lok sumars en í apríl sl. féll úrskurður kærunefndar útboðsmála þar sem fjármálaráðuneytinu var gert að bjóða út innkaup ríkisins á flugmiðum til og frá Íslandi. Samkvæmt nýju svari ráðuneytisins til Túrista er vonast er til að útboðið verði kynnt fyrir áramótin en upphaflega stóð til að auglýsa það í haust.

Áhugi lággjaldaflugfélaga líklega takmarkaður

Forsvarsmenn Félags atvinnurekenda og WOW air hefur lengi talað fyrir nýju útboði og í tilkynningu sem flugfélagið sendi frá sér í byrjun mánaðar kemur fram að árlega verji íslenska ríkið yfir 900 milljónum króna í kaup á ferðaþjónustu og gera mætti ráð fyrir að töluverður hluti þessa kostnaðar væri vegna farmiðakaupa. „Ríki og sveitarfélög geta sparað hundruðir milljóna króna á ári með því að kaupa flugmiða hjá WOW air eða erlendum lággjaldaflugfélögum,“ segir jafnframt í tilkynningunni. Það er hins vegar ekki víst að erlend lággjaldaflugfélög muni taka þátt í tilvonandi útboði samkvæmt athugun Túrista meðal forsvarsmanna fjölda erlendra flugfélaga. Ein af ástæðunum er sú að lággjaldaflugfélög selja ekki farmiða með tengiflugi og bjóða farþegum heldur ekki að innrita farangur ef þeir þurfa í framhaldsflug. Það á til dæmis við um farþega WOW air og í nýlegu útboði danska ríkisins á farmiðakaupum tóku til að mynda easyJet og Ryanair ekki þátt þrátt fyrir að vera mjög umsvifamikil í millilandaflugi frá Danmörku. 
Áhuginn á tilvonandi útboði íslenska stjórnarráðsins er hins vegar töluverður meðal þeirra hefðbundnu flugfélaga sem hingað fljúga allt árið.  

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …