Samfélagsmiðlar

Svissneskum ferðamönnum fækkaði um meira en þriðjung

erlendir ferdamenn

Með vetrarflugi hingað frá Sviss fjölgaði þarlendum ferðamönnum hér á landi umtalsvert. Þeim fækkaði hins vegar hratt eftir að vetrarflugið milli Íslands og Sviss lagðist af og íslensk fyrirtæki fara á mis við háar upphæðir Með vetrarflugi hingað frá Sviss fjölgaði þarlendum ferðamönnum hér á landi umtalsvert. Þeim fækkaði hins vegar hratt eftir að vetrarflugið milli Íslands og Sviss lagðist af í lok október.
Síðasta vetur flugu vélar easyJet tvisvar í viku frá svissnesku borgunum Basel og Genf til Íslands en áður hafði áætlunarflug milli landanna tveggja takmarkast við aðal ferðamannamánuðina. Þessar nýju vetrarferðir urðu til þess að fjöldi svissneskra túrista hér á landi þrefaldaðist síðastliðinn vetur. Þrátt fyrir þessa miklu aukningu ákváðu stjórnendur easyJet að gera hlé á flugi sínu milli Sviss og Íslands í lokum október og fram í febrúar á næsta ári. 

Verðmætur hópur

Það voru því engar áætlunarferðir í boði hingað frá Sviss í nóvember og það hafði greinilega mikil áhrif á ferðir Svisslendinga til Íslands því gestum þaðan fækkaði um 36,8 prósent í síðasta mánuði í samanburði við nóvember 2014. Þá flugu héðan 764 Svisslendingar en þeir voru núna 483 samkvæmt talningu Ferðamálastofu. Til samanburðar voru 81.600 erlendir ferðamenn hér í nóvember og hlutfall Svisslendinga er því ekki ýkja hátt. Hins vegar eru þeir mjög verðmætir ferðamenn því engin þjóð eyðir eins miklum peningum hér þegar litið er til kreditkortaveltu. Hver Svisslendingur eyddi að jafnaði um 203 þúsund krónum á meðan á dvöl hans stóð hér á landi fyrstu níu mánuði ársins samkvæmt frétt Viðskiptablaðsins. Það er nærri tvöfalt meira en ferðamenn eyða hér að jafnaði. 

Fara á mis við 268 milljónir

Ef reiknað er með meðalkreditkortavelta Svisslendinga haldist óbreytt og að samdráttur í Íslandsferðum þeirra verði álíka í desember, janúar og febrúar og hann var nú í nóvember þá má áætla að íslensk fyrirtæki verði af um 268 milljónum í sölu þessa fjóra mánuði sem flugið til Sviss liggur niðri. Það eru þá aðallega gististaðir, ferðaþjónustufyrirtæki, verslanir og veitingastaðir. Eingöngu í nóvember hefur tekjutapið numið um 57 milljónum samkvæmt útreikningum Túrista.
TENGDAR GREINAR: BJÓÐA ÓVÆNT UPP Á HRÆÓDÝR SKÍÐAFLUG

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …