Í háloftunum þurfum að deila sætisröðum með ókunnugu fólki í margra klukkutíma og það getur ýmislegt reynt á sambúðina. Sérstaklega ef sessunauturinn er frekur á plássið, talar hátt, blótar eða er dónalegur við áhöfnina.
Við verðum sitja þétt saman á meðan við fljúgum til og frá landinu og erum föst í farþegarýminu tímunum saman. Þá skiptir vissulega máli að allir hagi sér vel, kunni mannasiði og séu þrifalegir. Það er hins vegar ekki gefið að allir hafi þetta í heiðri og því hafa starfsmenn London City flugvallar útbúið lista með þeim tíu atriðum sem fara víst helst í taugarnar á fólki þegar það fer um háloftin.
Þetta skaltu ekki gera í flugi nema þú viljir fara í taugarnar á fólkinu í kringum þig:
- Halla sætinu eins langt aftur og hægt er.
- Taka báða stólarmana
- Vera dónalegur við áhöfnina
- Vera með það stóran handfarangur að ekki er pláss fyrir töskur annarra í hólfunum.
- Tala hátt við ferðafélagana
- Riðjast fremst eftir lendingu til að komast sem fyrst í vegabréfaskoðunina
- Standa stanslaust upp til að ná í hluti í töskuhólfið
- Setja fæturna á milli stólbakanna fyrir framan
- Blóta hátt án þess að taka tillit til þess að börn gætu heyrt orðasöfnuðinn
- Blokka gluggann þannig að enginn annar sér út
