Samfélagsmiðlar

30 prósent farþega á Keflavíkurflugvelli í tengiflug

fle 860

Síðasta ár var metár á Keflavíkurflugvelli því farþegar hafa aldrei verið svo margir. Hlutfall skiptifarþega helst óbreytt milli ára. Síðasta ár var metár á Keflavíkurflugvelli því farþegar hafa aldrei verið svo margir. Hlutfall skiptifarþega helst óbreytt milli ára.
4,85 milljónir farþega flugu til og frá Keflavíkurflugvelli á síðasta ári og fjölgaði þeim um ríflega fjórðung frá árinu 2014. Flestir voru á ferðinni júlí eða um 663 þúsund samkvæmt tilkynningu frá Isavia. Farþegar sem aðeins millilentu hér á landi á leið sinni milli N-Ameríku og Evrópu voru 1.464.878 talsins eða 30,2 prósent af heildinni. Til samanburðar er vægi þessa farþegahóps 22,5% á Kaupmannahafnarflugvelli, stærstu flughöfn Norðurlanda.

Um helmingur farþega Icelandair í tengiflug

Hlutfall skiptifarþega í Flugstöð Leifs Eiríkssonar 29,7 prósent í fyrra og hélst það því nær óbreytt á síðasta ári þrátt fyrir að WOW air hafi þá í fyrsta sinn boðið upp á tengiflug milli heimsálfanna með millilendingu á Keflavíkurflugvelli. Það er vísbending um að hlutfall tengifarþega hjá WOW sé álíka hátt og hjá Icelandair en um helmingur farþega þess félags millilendir aðeins hér á landi á leið sinni yfir hafið. 

Miklar framkvæmdir á teikniborðinu

Samkvæmt farþegaspá Isavia er gert ráð fyrir að 6,25 milljón farþegar fari um flugvöllinn í ár en til samanburðar voru þeir um 2 milljónir árið 2010 þegar Isavia var stofnað. Um þessar mundir er verið að stækka flugstöðina um 16 þúsund fermetra, þar af verða níu þúsund fermetrar teknir í gagnið í ár. Í þróunaráætlun flugvallarins er gert ráð fyrir að flugstöðin verði 140 þúsund fermetrar að stærð árið 2032, sem er ríflega tvöföldun á núverandi mannvirki.

Gæti tekið við 10 milljónum farþega

Mestu álagstímarnir í Flugstöð Leifs Eiríkssonar eru þeir tímar sem íslensku félögin tvö nota til þess að tengja flug milli Evrópu og Norður-Ameríku en tímarnir á milli þessara álagspunkta eru vannýttir. Forsvarsmenn Isavia benda á að með betri nýtingu flugvallarins og aukningu á milli aðalálagstíma sólarhringsins gæti flugvöllurinn tekið við hátt í 10 milljónum farþega á ári hverju þegar framkvæmdunum sem nú standa yfir er lokið. „Nú þurfum við, í samvinnu við flugfélögin, að leita leiða til að nýta núverandi mannvirki betur svo stærsta útflutningsgrein þjóðarinnar, ferðaþjónustan, geti haldið áfram að vaxa næstu árin,“ segir Björn Óli Hauksson, forstjóri Isavia, í tilkynningu.

Nýtt efni

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …