Ferðaskríbentar stórblaðsins New York Times segjast hér vera með lista yfir áhugaverðustu viðkomustaðina. Enginn íslenskur er þar á meðal.
Mexíkóborg, vínræktarhéröðin í Bordeaux og smáríkið Malta eru í efstu þremur sætunum yfir þá 52 staði sem fólk á faraldsfæti ætti helst að leggja leið sína í ár. Listinn er fjölbreyttur og veitir ófáum innblástur fyrir skipulagningu ferðalaga ársins. Því miður dugar ekki að ferðast innanlands til að geta hakað við nöfn á listanum þar sem á honum eru aðeins að finna útlönd. Ísland komst s.s. ekki á blað hjá New York Times.
Hér er topp tíu listinn en hina 42 staðina má skoða í glæsilegri framsetningu að hætti New York Times:
- Mexíkóborg
- Bordeaux
- Malta
- Coral Bay, St. John
- Theadore Roosevelt þjóðgarðurinn, Norður-Dakota
- Mozambique
- Toronto
- Abu Dhabi
- Skánn í Svíþjóð
- Vinales á Kúbu