Nú verður hægt að fljúga beint til Búdapest

wizz budapest

Eitt stærsta lággjalda­flug­félag Evrópu eykur umsvifsín veru­lega hér á landi í ár með flugi til tveggja nýrra áfanga­staða. Eitt stærsta lággjalda­flug­félag Evrópu eykur umsvifsín veru­lega hér á landi í ár með flugi til tveggja nýrra áfanga­staða.
Síðast­liðið sumar hóf ungverska lággjalda­flug­fé­lagið Wizz Air að fljúga hingað til lands frá Gdansk í Póllandi og brátt fer félagið jómfrú­ar­ferð sína til Íslands frá Varsjá. Forsvars­menn Wizz Air láta ekki þar við sitja því nú er hafin sala á sætum í áætl­un­ar­flug félagsins hingað frá Búdapest. Þar með verður í fyrsta skipti hægt að fljúga beint héðan til Ungverj­ar­lands. Tamara Mshvenieradze, talskona Wizz Air, segir í svari til Túrista að það sé ánægju­legt að geta boðið Íslend­ingum beint flug til Búdapest enda hafi borgin upp á margt að bjóða. Sérstak­lega fyrir þá sem vilja í stutta borg­ar­ferð. Ódýr­ustu farmið­arnir, aðra leið, kosta rúmlega 11 þúsund krónur (79.99 evrur) en við farþegar félagins þurfa einnig að borga fyrir töskur og stærri hand­far­angur.
Mshvenieradze útilokar ekki að Wizz Air bæti við Íslands­flug sitt í nánustu framtíð en félagið er eitt stærsta lággjalda­flug­félag Evrópu og eru umsvif þess mest í mið- og aust­ur­hluta álfunnar. Fyrsta ferð Wizz hingað frá Búdapest er á dagskrá 27. mars og mun félagið fljúga þessa leið tvisvar í viku allt árið um kring.

Fylla í götin

Framboð á flugi héðan til A‑Evrópu hefur ávallt verið mjög takmarkað og til að mynda flýgur Icelandair ekki til neinnar borgar sem áður var austan við járntjald. Vélar WOW fljúga hins vegar til höfuð­staða Póllands og Litháen. Í sumar hefst svo áætl­un­ar­flug AirBaltic hingað frá Riga í Lett­landi og til stóð að stærsta flug­félag Tékk­lands myndi hefja Íslands­flug frá Prag í ár en ekkert verður úr því. Aukin umsvif Wizz Air hér á landi auka því tölu­vert fjöl­breytnina í leiða­kerfi Kefla­vík­ur­flug­vallar þegar horft er í austur.
VILTU FÁ TÚRISTAGREINAR OG FERÐATILBOÐ Í PÓSTHÓLFIÐ ÞITT? — SMELLTU HÉR TIL AÐ GERA VERÐSAMANBURÐ Á GISTINGU Í PARÍS