Samfélagsmiðlar

Kanadísk flugmálayfirvöld hafna Iceland Expess módelinu

newleaf

Flugmálayfirvöld í Kanada segja aðeins flugrekendur notast við heitið flugfélag í markaðssetningu á áætlunarflugi. Þar með stefna þau í hættu rekstri ferðaskipuleggjandi sem ætlaði að feta sömu leið og Iceland Express og WOW air fóru á sínum tíma Flugmálayfirvöld í Kanada segja aðeins flugrekendur notast við heitið flugfélag í markaðssetningu á áætlunarflugi. Þar með stefna þau í hættu rekstri ferðaskipuleggjandi sem ætlaði að feta sömu leið og Iceland Express og WOW air fóru á sínum tíma.
Í þau tíu ár sem Iceland Express hélt uppi áætlunarflugi til og frá Íslandi var félagið aldrei með flugrekstrarleyfi. Fyrirtækið fékk því erlenda aðila með tilskilin flugrekstrarleyfi til að annast flugið fyrir sig. WOW air fylgdi sama módeli í upphafi en fékk sitt eigið flugrekstrarleyfi í október árið 2013.

Allir mega nota heitið flugfélag

Töluverð umræða varð um þetta fyrirkomulag haustið 2012 þegar WOW air tók yfir Iceland Express. Þá sagði nefnilega í tilkynningu frá WOW air að fyrirtækið hefði tekið tekið yfir allan flugrekstur Iceland Express. Í kjölfarið benti Flugmálastjórn, nú Samgöngustofa, á að svo hefði ekki verið og í tilkynningu stofnunarinnar sagði jafnframt: „…hugtakið flugfélag ekki skilgreint í lögum um loftferðir né kemur fyrir í reglugerðum byggðum á þeim lögum. Hvaða aðili sem er getur því í raun nefnt starfsemi sína flugfélag og ferðaskipuleggjendurnir Iceland Express og WOW air hafa gert það.“ 

Norðmenn og Kanadamenn banna íslensku leiðina

Með þessari yfirlýsingu gáfu íslensk flugmálayfirvöld það út að notkun á heitinu flugfélag er ekki aðeins bundin við fyrirtæki með flugrekstrarleyfi. Skömmu áður höfðu hins vegar norsk yfirvöld bannað þarlendu flugfélagi að fara íslensku leiðina og í síðustu viku gerðu starfsbræður þeirra í Kanada það sama. Þá neituðu kanadísk flugmálayfirvöld ferðaskipuleggjandanum Newleaf um leyfi til að starfrækja nýtt áætlunarflug sitt á sömu forsendum og Iceland Express og WOW air gerðu. Félagið hefur því seinkað jómfrúarflugi sínu og neyðst til að endurgreiða þá farmiða sem seldir höfðu verið. Forsvarsmenn Newleaf hafa hins vegar ekki gefið upp vonina og biðja Kanadamenn um að leggja sér lið með því að senda póst á samgönguráðherra landsins og biðja hann um að beita sér í málinu. 

Fagnar komu WOW til Kanada

Jim Young, forstjóri Newleaf, bendir á, svari til Túrista, að í dag fljúgi um 5 milljónir Kanadamanna yfir landamærin til Bandaríkjanna með bandarískum lággjaldaflugfélögum. „Við viljum hafa möguleika á því sama héðan frá Kanada.“ Young segist hins vegar fagna því að WOW air ætli að hefja flug til landsins í vor og segir það spennandi að geta boðið farþegum íslenska flugfélagsins að ferðast áfram með Newleaf til annarra áfangastaða í Kanada. En Newleaf hyggst, fyrst um sinn, einbeita sér að flugi til borga sem stóru flugfélögin sinna ekki sérstaklega í dag.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …