Samfélagsmiðlar

Keflavíkurflugvöllur orðinn sjöunda stærsta flughöfn Norðurlanda

Hin mikla fjölgun farþega í Flugstöð Leifs Eiríkssonar olli töluverðum breytingum á listanum yfir 10 stærstu norrænu flughafnirnar. Hin mikla fjölgun farþega í Flugstöð Leifs Eiríkssonar olli töluverðum breytingum á listanum yfir 10 stærstu norrænu flugvellina.
Síðustu ár hefur Keflavíkurflugvöllur verið níunda stærsta flughöfn Norðurlanda en ekki komist ofar á lista þrátt fyrir að farþegum hér á landi hafi fjölgað um allt að fimmtung á milli ára. Í næstu sætum fyrir ofan hafa setið flugvellirnir við Stavanger og Þrándheim í Noregi þar sem farþegar hafa verið mun fleiri. Í fyrra fjölgaði farþegum í Flugstöð Leifs Eiríkssonar hins vegar um fjórðung og voru þeir nærri 4,9 milljónir. Á sama tíma fækkaði farþegum lítillega í Þrándheimi og Stavanger og voru um 4,5 milljónir á báðum völlum. Þar með flýgur íslenska flugstöðin fram úr þessum tveimur norsku og upp í sjöunda sætið yfir stærstu flugvelli Norðurlanda eins og sjá má á listanum hér fyrir neðan.

Fimmta sætið að ári?

Farþegum fækkaði á fjórum stærstu flugvöllunum í Noregi í fyrra og er samdráttur í innanlandsflugi helsta skýringin á því. Á sama tíma jókst umferð um Landvetter í Gautaborg þar sem miðborgarflugvelli Gautaborgar var lokað í fyrra. Þar með er Landvetter orðinn fimmti stærsti flugvöllur Norðurlanda með nærri 6,2 milljónir farþega. Forsvarsmenn Keflavíkurflugvallar áætla hins vegar að 6,25 milljónir farþega fari um flugstöðina á næsta ári og ef það gengur eftir gæti íslenski flugvöllurinn komist enn ofar á lista á næsta ári. Bilið upp í höfuðborgarflugvellina fjóra er hins vegar ennþá breytt því um 16 milljónir fljúga til og frá Helsinki ár hvert. 
Stærstu norrænu flughafnirnar (m.v. farþegafjölda 2015):

  1. Kaupmannahafnarflugvöllur (26milljónir farþega*)
  2. Óslóarflugvöllur (24,7 milljónir)
  3. Arlanda í Stokkhólmi (23,2 milljónir)
  4. Vantaa í Helsinki (16milljónir*)
  5. Landvetter í Gautaborg (6,2 milljónir)
  6. Flesland í Bergen (6 milljónir)
  7. Keflavíkurflugvöllur (4,9 milljónir)
  8. Sola í Stavanger (4,5 milljónir)
  9. Værnes í Þrándheimi (4,4 milljónir)
  10. Billund (3 milljónir*)

*Árstölur fyrir danska og finnska flugvelli liggja ekki fyrir en aðeins flugstöðvarnar í Helsinki og Kaupmannahöfn eru stærri en Keflavíkurflugvöllur í þessum löndum.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …